隨著IG foodie 嘅風氣盛行，近年打卡cafe開始變得無處不在，想係眾多cafe之中突圍而出，除左基本嘅咖啡同蛋糕，總要搞搞新意思先可以吸引大家！早前中環就新開左間烘培cafe，店內主打多款手工貝果同司康，環境舒適恬靜，真系岩曬一班想食得健康又鍾意打卡嘅OL放假去放鬆下～想知地址係邊就記得睇到最後啦！

圖片來源：IG@foodaholicman、lizeatery、kcodish、idontgiveeffoc、meals.projects、and_scone｜撰文：Candice

原是麵包烘培店「and scone」 主打多款手工Bagel & Scone

Cafe嘅店主原本其實早於幾年前就開設左麵包烘培店「and scone」，除左每日都會精心製作出唔同嘅手工麵包，希望令大家都品嚐到之餘，店家都有提供純素、低糖、無糖版本嘅bagel、Scone等等，令大家食得健康輕盈之餘又開心～

經過一番努力之後，店家係IG同FB都累積左唔少人氣，大家可以透過線上預訂同面交嘅方式食到佢地嘅麵包，另外佢哋亦會不定期舉辦pop-up store，好似最近就有係K11同希慎廣場同大家見面！

見到反應咁熱烈，店主最後就決定係中環開設cafe，希望可以係鬧市中為忙碌嘅大家提供一個可以放鬆、放空同喘息嘅空間～

日系文青小清新格調 落地玻璃+純白裝修每個角落都係打卡位！

cafe裝修超級日系，由外面望入去已經見到店舖整體以純白色調為主，配上柔和燈光同落地玻璃，感覺簡潔又舒適！

門口位仲設有長凳，手持咖啡以店舖環境做背景，打卡一流！

除左店門之外，cafe入面都有唔少打卡位比大家影相，好似呢張窗口位置傍邊嘅小高臺，大家可以將所有食物同飲品一次過排列出黎，畫面豐富又精緻！

另外cafe亦採用開放式設計，大家可以一邊同朋友傾計一邊嘆咖啡，同時仲可以見到咖啡師為大家沖調飲品嘅認真樣子～店內仲有唔少綠植同花藝佈置，配上純白牆身，真系每個角落都可以輕鬆隨意就影到一堆靚相！

至於食物方面，cafe雖然係小店但卻好高質，一場黎到一定要試試佢哋嘅手工烘培麵包。當中最好食絕對係呢個黃豆粉沖繩黑糖麻糬，咬落鬆軟之餘味道唔會死甜，上面有蕨餅同黃豆粉，蛋卷入面又有麻糬，口感超級豐富！​

另外千祈唔好錯過cafe嘅招牌scone set，啱啱出爐嘅scone外脆內鬆軟，而且好重麥香，配埋橘子醬同埋cream cheese超好食！

蛋糕的話小編私心呢個lemon and cheese cake，淨係賣相都已經想比滿分，奶黃色嘅小蛋糕配上檸檬片，味道酸甜適中之餘仲帶有淡淡奶香～

Cafe好食嘅麵包真系多到數唔曬，就算係咖啡、拿鐵味道亦相當精緻。如果大家有興趣，可以約埋朋友一齊黎試多幾款～

見到咁多靚相，趁新店開業無耐，今個星期一於過黎試試啦！

【INFO】

loft and scone

地址：中環機利文新街6號

電話：6127 5295

營業時間：星期一至四 8am – 1am｜星期五至日 8am – 2am