楊思琦罕談當年未婚生女遭全世界唾罵：真係接受唔到

2001年六料港姐冠軍楊思琦在2011年與拍拖9年的李泳豪分手，當時因女方搭上內地跳水運動員吳帥，之後更未婚生女，結果從萬千寵愛的鄰家少女變得負評如潮，母兼父職的楊思琦產後不久便復出工作，到了2014年決定不續約無綫，在內地發展。情路坎坷的楊思琦在2019年再誕下囝囝，不過今次同樣沒有公開阿仔爸爸的身份，只透露另一半是圈外人，二人已在2019年在美國註冊結婚，保密功夫做到滴水不漏的楊思琦，「老公」的真身仍未現身，結果又惹來不少猜測！近日楊思琦接受內地電台節目訪問，罕有地提及當年做未婚媽媽，直言是「人生以嚟第一次遇到畀全世界唾罵」，幸好在上天的安排，遇到現任老公，在願意有人分擔下，決定生第二個小朋友。

【點擊睇楊思琦情路】：

在節目上主持人問到負評對她的影響？楊思琦坦承：「生第一個係最脆弱，就算時好堅定，但係冇諗過呢個係自身嘅問題，而大眾都可以參與去討論、抨擊， 再加上又要帶小朋友，遇到啲冇經歷過嘅嘢，嗰陣真係接受唔到。」她又稱曾擔心報道會影響家人，殊不知他們是全力支持：「呢個係我人生以嚟第一次遇到俾全世界唾罵你嚟形容，走過又冇乜嘢，演員都係一個工作，小朋友先係陪到我去最後，點解要因為少少嘅評論而令到自己唔開心？人生唔係淨係搵對象呢件事，如果搵唔到你就唔使生活咩，呢個世界上冇話冇咗邊個唔得，千祈唔好有呢個諗法。」

【其他文章】：

前《警訊》主持麥振江久未露面中氣好 愛女做主播讀唔出「中東呼吸綜合症」成熱話

陳安立林希靈結婚｜場內盛宴片段曝光 新娘戴三塊金豬牌 成手龍鳳鈪勁有貴氣

盤點6位陷整容疑雲女星！視后入行20年眼皮愈來愈深 長腿女神疑隆胸咁解釋

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ