溫碧霞（Irene）日前到澳門出席「亞洲國際青年電影節」，憑電影《謊島美人魚》獲頒「最佳女主角」，這個榮譽是她月尾（7.30）生日的最佳禮物。
《謊島美人魚》將於年底在兩岸三地上映，對於獲頒最佳女主角，Irene表示這個獎是給她跟幕後團隊的肯定，老公何祖光專程到澳門陪她慶祝：「佢一路都好支持我嘅電影工作，畀我好大鼓勵，我哋仲逗留澳門玩咗一日先返香港。」Irene亦感謝各地粉絲愛戴：「每次見到咁多衷心欣賞我嘅粉絲，自己都覺得好感動，證明咁多年嚟嘅努力冇白費，我會繼續努力拍多啲好戲。」
廣告（請繼續閱讀本文）
電影節歴屆給予年輕創作者、導演、演員機會及鼓勵，幫助他們日後更發光發亮，她說：「近年我多咗個身分係出品人同監製，工作室會主導團隊去搵一啲較新導演、编劇及新演員，讓大家去實現電影夢。」Irene推介《謊島美人魚》：「電影除咗好多黑色幽默，仲有姊弟戀同親情，拍得好到位，同埋香港已經好耐冇呢個題材嘅電影，我好鍾意呢部戲，呢部係我近10年最鍾意嘅作品之一。」
（即時娛樂）