馬路如虎口，除了行人要小心外，駕駛者都要格外留神，特別是在天氣不佳或晚上時份。早前一位港男就在專門討論馬路情況的社交平台群組發文，直指日前在晚上揸車時，就因為驚見1物而差點炒車，事後更引來網民直指同樣情況原來好常見？！
廣告（請繼續閱讀本文）
港男揸車驚見1物 險炒車激動發文
早前一位港男在社交平台上發文，劈頭直指自己在晚上揸車時，就因為看到對頭車內擺放特殊物件而激動發文，揚言「你老X」、「畀你嚇到差啲炒」。從他分享的照片中，可見一架停靠在路邊的白色車內有乾坤，司機將駕駛位和副駕駛位的頭枕均用白色面具罩上，霋眼望落猶如兩個白臉人坐在車中望向外面，深夜時分的確會嚇破膽！
廣告（請繼續閱讀本文）
同樣情況原來好常見？
原以為這種惡搞裝飾乃小眾事例，豈料在發文者分享自身經歷及圖片後，竟有大批網民聲稱同樣情況其實十分常見，更紛紛貼出照片。可見大部分例子均在駕駛或副駕駛位的頭枕上加設裝飾，由面具到頭套不等。
廣告（請繼續閱讀本文）
網民創意留言極爆笑
這個現象引網民關注，有網民表示「都無乜點丫，好似飛虎隊面罩咁啫」、「夜晚都幾恐怖」，更有網民苦口婆心地勸告「其實的而且確會惹陰，千祈唔好咁做」。亦有部分網民搞笑留言，「七月十四先揸出嚟啦」、「敷緊面膜姐」、「你做得虧心事多」。
原文刊登於 AM730
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)