陳自瑤開腔講離婚：佢個心已經走咗，夾硬死𢱑都冇用！

藝人龔慈恩為無綫節目《香港婚後事》任嘉賓，與主持陳自瑤、黎諾懿、賴慰玲等探討「離婚」主題，龔慈恩分享對夫婦離異的見解：「冰封三呎，非一日之寒，比較傳統啲嘅女性，仔女係佔咗佢（生活）一大部分，佢可能喺某一段時間係完全忽略咗自己，將啲時間、精神、責任擺晒喺仔女身上，到某一日突然間醒咗，佢會意識要有自己人生，咁會令到有番咁上下年紀嘅人有離婚嘅意識。（找到適合的人會否考慮再婚？）會嘅，我覺得現階段係需要伴多啲，再唔再婚係另一個問題，但我唔抗拒。」陳自瑤則認為：「一段關係係雙方（付出），可能你好想為小朋友保持一個美滿家庭，但可能對方唔想，可能佢個心已經走咗，你夾硬死𢱑都冇辦法，有啲嘢唔係一個人可以做到，呢啲情況就冇得選擇。」

而諾懿表示本港每年約有過萬宗離婚個案，而離婚手續亦日漸簡化，對此賴慰玲認為「離婚」變得流行：「大家覺得離婚冇咁大件事，即係兩個人婚姻出現咗問題，然後就離婚囉，唔去解決。」Winki續指近來香港出現移民潮，不少夫婦亦因移民衍生的問題而鬧離婚。

東網網站 : https://on.cc/東網Facebook專頁 : https://www.facebook.com/onccnews/