吳浩康中秋疑似爆婚變？郭思琳否認離家出走但自爆分房逾一年

吳浩康去年3月與郭思琳結婚，9月誕下兒子「撑撑」，一家三口生活美滿，多情浪子成功被收服情場，但今日（30日）有傳媒報道指兩人傳出婚變，郭思琳更在IG不點名鬧爆老公，其後雖然否認離家出走，但向傳媒自揭與吳浩康分房已有一年。

昨日中秋佳節，郭思琳在IG不點名鬧爆老公吳浩康：「先唔講就你改期，再幫你安排埋服裝，乜都安排晒，一句話唔影就唔影，個仔一歲影張全家福都咁辛苦你，咁以後嘅節日你都唔好出席，包括今晚中秋。我永遠都會記得前面孭住個仔，右邊一個喼一個袋，左手拎住蛋糕再拖住隻狗嘅情景。」

郭思琳其後接受傳媒訪問，表示自己與老公吳浩康「冇事」，並否認離家出走，當日只是去影樓影相「拎咗好多嘢啫」，更反問「啲人係咪好想聽到我離婚呢？」郭思琳同時表示做新手媽媽好辛苦，更與老公因為照顧兒子的關係而分房超過一年，直指兒子經常踢腳，令老公冇覺好瞓。

郭思琳雖然自揭夫妻分房瞓，但不認為影響感情，又透露早前一家三口去主題樂園staycation，慶祝囝囝1歲生日。郭思琳近日亦有在IG分享囝囝玩燈籠的短片，吳浩康今日亦貼出如常工作的相片，二人的社交平台不似婚變，郭思琳更叮囑記者不要立即致電老公，以免影響其工作心情。

工作完成後，吳浩康接受傳媒查詢疑似婚變一事，他指當日答應太太去影樓拍攝全家福，但最後為了遷就學生而未有赴約，他明白太太當日「拎住好多嘢」及湊仔辛苦，所以網上呻了幾句。不過他不明白為何網上公開此事，而非直接跟他抱怨。「我太太都係年輕人，所以乜都喺網上講。」