諾定咸森林官方宣佈從曼聯簽下翼鋒伊蘭加(Anthony Elanga)，轉會費為1500萬鎊，雙方簽約5年至2028年，森林升上英超後再一次從曼聯引援，目前亦正努力收購曼聯門將甸軒達臣(Dean Henderson)👹
現時21歲嘅伊蘭加係曼聯青訓產品，21/22球季蘭歷克擔任曼聯領隊時將其提拔上一隊，當時嘅表現一度令人以為曼聯又有一塊瑰寶，然而好表現只係一時，能力上相當一般，去到今季坦哈格領軍時代則淪為後備不受重用，兩季係曼聯一隊上陣55場攻入4個入球。球隊無立足之地，最終轉投森林，以其能力效力中下游應該有機會重生，畢竟佢都係瑞典國腳級人馬🤣
廣告（請繼續閱讀本文）
對於曼聯而言能夠將青訓產品變成收益已經有賺，球員有上陣機會亦有得益，但對於諾定咸森林而言呢單交易是否百份百對球隊有利呢🤔
上季森林升上英超一擲千金不斷買人，務求升級陣容留係英超，結果球隊贏下賭局，但係創業難，守業更難，森林上季尾段奠定一個基礎係3-4-2-1/4-3-2-1陣式，以防守反擊為基礎，再利用艾禾尼爾、基比斯韋得同班蘭莊遜衝擊對方防線，然而伊蘭加擅長嘅位置非攻擊中場同前鋒，而係邊路翼鋒位置。同時間上季不斷買人雖然達到目的，但今季就要平衡收資，部分球隊例如莊祖舒維(Jonjo Shelvey)、基斯活特(Chris Wood)同丹尼斯(Emmanuel Dennis)都應該要放走，球隊應該沿著已建立嘅一套體系去發展，森林來季守住英超席位嘅路上不容易，希望今次交易唔會浪費伊蘭加嘅能力🫨
▼Follow 足球港場
廣告（請繼續閱讀本文）
Instagram: https://www.instagram.com/footballarena_hk/