劉俊謙9.26生日遇新戲上映　開設特典場「劉太」撲飛入場

由劉俊謙、董瑋（Dee哥）、伍允龍、蔡思韵（Ceci）主演的電影《武替道》將於明日（9月26日）上映。電影上畫日剛好是阿謙正日生日，電影特別開設「劉俊謙生日特典場」，入場觀眾會得到限定《武替道》角色菲林書籤一張，以及搶先放映獨家絕密彩蛋，不少「劉太」已提早撲飛。

《武替道》未正式上映已引起熱話，很多優先場觀眾更被戲中人物關係間的情感所感動，電影除講述幾位香港武師角色在影圈的故事外，亦深入描寫他們的親情羈絆，戲中劉俊謙與張達倫（Max）角色之間的兄弟情，打動人心，為觀眾在充滿陽剛味電影中感受一絲溫暖情誼。

劉俊謙在戲中飾演的李世龍與Max飾演的哥哥阿傑關係密切，兩兄弟自小熱愛香港動作電影，然而在家庭壓力下，阿傑選擇開設物流公司，並邀請弟弟龍仔加入。兩兄弟因價值觀不同，逐漸產生矛盾。Max表示：「唔知係咪我同佢嘅磁場好近，係咪好需要大家不停喺度傾偈，溝通呢？我哋又唔係喎，但到真係埋位、對戲、入戲嘅時候又好夾，知道有好多人都話好鍾意呢段兄弟感情，似乎好有默契咁樣都感到好開心。」Max更提到，自己最喜愛戲中最後一幕，細膩描寫兩兄弟之間的情誼。

Max今次演出有別於以往的斯文形象，演繹一個市井粗魯的送貨員：「今次呢角色同我平時拍劇真係好唔同。我真係有問過一啲跟車嘅朋友，去了解佢哋嘅生活，甚至試過跟佢哋一日，睇下佢哋嗰種生活係點樣。其實幾開心㗎，我成日都想搣甩著套西裝嘅感覺，畀觀眾睇下我演比較市井嘅角色，我個自由度又大啲，框框冇咁窄，所以我可以盡情發揮演技。」Max還提到自己有點遺憾在今次電影中自己無動作場面，希望未來有機會挑戰打戲。