頭條獨家丨孫慧雪揀平價衫揀到忘我 有米老公有耐性又夠細心

39歲的孫慧雪（阿雪）近年除了拍戲及做主持外，還涉足食品生意，忙工作之餘，亦要湊仔兼顧家庭，但佢冇忽略有米老公Edwin。日前阿雪同結婚6年的老公拍拖行街，Edwin耐心陪老婆買衫，雖然未有親密舉動，但不時有傾有講，盡顯夫妻默契。

採訪：娛樂組

當日傍晚時份見孫慧雪和老公在連鎖時裝店睇衫，雖然老公是有米富二代，自己工作也愈來愈多，不過阿雪唔去名牌時裝店，反而揀親民價的時裝品牌，見佢跟其他女士一齊左揀右揀，試過同一時間手上拎有10件，睇嚟好多衫都好啱心水。

老公好體貼

雖然老婆專心揀衫，但難得Edwin未有嫌悶，唔會似其他男士掛住撳電話，反而企喺孫慧雪身邊，除了幫佢拎衫之外，又會畀意見，全程有傾有講，難得阿雪又會聽老公話，老公皺眉就放低。最後經老公scan過後，孫慧雪仍買了一大袋戰利品，更不用老公幫手，雙手攬住一大袋靚衫跟Edwin並肩而行，沿途兩人邊行邊講，爭取時間window shopping，最後登車離開。

星島新聞集團慶回歸25周年專題網站，請即瀏覽

立即下載 | 全新《星島頭條》APP : https://bit.ly/3yLrgYZ