最近有歌迷在社交平台分享一段張敬軒現身香港歌迷會辦公室和歌迷互動的影片，當中標題竟然是「張生話10w可以瞓一晚」。原來只是他在活動中分享自己有教唱歌的想法。
廣告（請繼續閱讀本文）
活動中張敬軒指自己一直有一個想法想開班教唱歌，但希望可以一對一，更問粉絲覺得應該收幾錢：「其實每一個人唱歌個水平都唔同，所以好難一次過教，如果開班一對一你覺得應該收幾多錢？」當時有歌迷回應指「10萬蚊」，軒仔聽到即大笑表示：「10萬蚊可以瞓一晚。」之後補充：「我都未講完，10萬蚊係可以你去一間好靚嘅酒店瞓一晚。」
之後張敬軒亦自爆曾被富豪問價：「我都唔怕同大家講，其實有富豪問價。」不過最後他「唔夠膽」拉：「好想喺企業周年會嗰度唱隻歌，問可唔可以一對一咁教學？我都唔夠膽，因為自己仲摸索緊，唱得唔夠好，我都仲有好多對於歌曲運用嘅技巧可以解決。」
廣告（請繼續閱讀本文）