楊明希望蛇年結婚　莊思明大潑冷水：對佢冇期望

藝人楊明與女友莊思明今日（23日）出席《愛·回家之開心速遞》宣傳，兩人拍拖多年，問到蛇年會否拉埋天窗，他們笑言蛇年未到，着記者到了再問，思明稱自己並不心急，可能已習慣相處模式，楊明直言望蛇年內結婚：「我哋會盡力同盡快，去處理晒所有嘢。有好消息會第一時間通知大家。（求咗婚未？）未。（有冇計劃？）都有，但好多時諗完又畀人做咗，咁就唔新穎。」思明大潑冷水，自言不會對男友有期望以免失望，並謂：「佢最大嘅驚喜係冇驚喜。（家人有冇催你結婚？）冇，佢哋都習以為常。」楊明即時賣口乖，稱女友就算結婚也不會變師奶，又大讚對方有烹飪天份：「佢就算係第一次煮嘅餸都煮得好食。」

提到思明的姐姐莊思敏自爆疑收「KK園」邀約到泰國拍廣告，思明叫大家放心：「佢唔會畀人呃，冇可能，普天下冇人有呢個能力呃到佢。（你有冇收過？）邀請我去開工就冇，電話詐騙就好多，試過收到銀行訊息，唔留神嘅話就撳咗入個連結。」

東網網站 : https://on.cc/東網Facebook專頁 : https://www.facebook.com/onccnews/