MIRROR演唱會發生嚴重意外，造成兩名舞蹈員被壓傷引起全城關注，不少網民都將矛頭直指主辦方，亦即是與ViuTV屬同一集團的MakerVille，批評他們把關不力，亦質疑他們為賺到最盡，將成本壓至最低而間接造成今次意外。
前港台及商台DJ黃冠斌，現職網台D100主持，昨日（29日）他於其網上直播節目《黃冠斌勿認真Why So Serious》中談及MIRROR紅館騷意外，「我形容為香港開埠以嚟，非常罕見亦都不能接受的意外。」同時亦代其節目的台前幕後人員以最真誠的祝福，希望受傷的舞蹈員平安。
黃冠斌認為是次意外可謂一石激起千重浪，可從中反思香港娛樂圈產業文化的轉變，「第一，呢件事喺製作層面是完全不能接受嘅情況。第二，事件發生後，其實有關方面，特別是主辦方，佢做嘅工夫、工作，我本人認為相對上係比較遲緩或者係可能比較少嘅。因為佢哋啲歌迷、睇到騷嘅朋友，或者知道呢個消息嘅人，其實都需要知道更多嘅資訊，同埋大家都會有一千萬個點解。點解一個紅館演唱會得咁少時間去準備？點解一個紅館演唱會準備嘅質素會係咁參差？」加上開騷前很多人都留意到是次演唱會的不足，黃冠斌更問道為何不延遲演出將舞台處理到安全才開騷。而他亦撇除政見，認為今次政府的反應快，比主辦方處理得好，而且他亦認為康文署租出場地，除非場地本身有安全問題，如若是已交由主辦方製作舞台及舉行演出，當中的安全問題，主辦方是有需要承擔責任。
另外，黃冠斌亦批評主辦方在事故發生當下的處理做得不理想。首先大屏幕墮下後，大會竟然選擇將現場燈光關閉，有機會阻礙救援。而MIRROR經理人花姐（黃慧君）當時叫現場觀眾即時離開，他認為此舉同樣有阻救援，因為太多人同時離開，好大機會阻礙交通，令救護車延誤到場，「疏散一萬人最快都要3個字（15分鐘），而呢3個字會唔會就係救援最重要的時間呢？」而花姐隨即就表示會處理當晚門票的問題，被現場歌迷批評並非錢的問題，及後花姐才承諾會安全地處理事件，黃冠斌認為人在遇上突發事時的反應最直接，因而覺得花姐言論的排序上似乎已看出團隊當下仍然認為金錢比安全重要。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
Shing 唔好抽水啦，祈禱傷者好返好過啦。
我唔like鏡仔，但公道啲講意外就係意外，冇人想既。事後可以追究既係點樣避免再發生同類事件。
2022年07月30日10:49
唔好成日搵啲道德位去入人啦！
講真，事件當時已經發生，仲要係香港有史以來第一次咁大鑊，根本無人會有「經驗」，再者，佢又唔係醫護人員，只係一個經理人，想佢點？佢又無要12子繼續表演，咁已經係考慮咗安全問題啦！
佢同觀眾交代門票問題亦無錯喎，咁觀眾係比錢買飛入嚟睇，佢同觀眾交代返一句都有錯？
當然，佢一定有不足嘅地方，但要記住，呢單嘢係香港史上第一次咁嚴重嘅事故，處理不足都情有可原
2022年07月30日11:18
Stephen 先後次序重要嗎，真係搵新聞黎賣！
2022年07月30日10:37
EY 叫人有跌序離開有咩問題？唔通叫大家留响現場慢慢睇救援？叫人離場再話退票係解決即時眼前決定到嘅問題，我覺得即時反應來講係可以接受。雖然今次演唱會好多嘢都好垃圾，但我唔認為花姐响事發後嘅說話代表只著重錢唔理其他嘢，唔該唔好响度抽水扮專家啦！
2022年07月30日12:09
EDC 最憎呢D人出來抽水扮專家
2022年07月30日11:35
顯示全部