廣告（請繼續閱讀本文）
藝人崔碧珈（Anita）最近到了巴黎工作，她透露此行會逗留兩星期，主要為她有份演出及聯合監製的法國片做配音以及開會傾宣傳，她表示：「計起嚟我有兩年半冇搭飛機，心情緊張又興奮，去到巴黎仲有好多熟悉鋪頭喺度，所以好有親切感。」除了電影工作，Anita此行還有另一個任務：「我好快會推出第二首歌，今次嚟巴黎順道為MV睇景，所以可能好快會再到訪當地，但因為隔離原因，到時要睇吓隔離措施會唔會有咩改變，今次睇景去咗好多我未去過嘅地方，例如巴黎郊區。」
Anita快將結束行程返港，她稱已計劃好回港後在酒店隔離七天的安排：「我安排好咗多嘢做，媽咪會帶部電子琴畀我，因為我喺巴黎都一直冇練琴同跳舞，隔離時我會練唱歌、跳舞同彈琴，同埋準備第二首歌錄音。」
廣告（請繼續閱讀本文）
東網網站 : https://on.cc/東網Facebook專頁 : https://www.facebook.com/onccnews/