【網上買餸】疫情再度肆虐，Omicron來勢洶洶，政府宣布本周五(1月7日)凌晨起收緊防疫措施，為期兩星期，包括食肆晚上6時至翌日早上5時全面禁止堂食。正所謂街可以唔出，但飯就一定要食。連續14晚叫外賣相信一定會吃到膩，不想晚晚叫外賣，但放工又趕不及買餸的話，那就要識得網上買餸！最正當然是可以足不出戶亦買到新鮮食材，自己下廚。編輯推介6間網上買餸平台，方便到連街市同超市都不用再去。
6大精選網上買餸平台推介
網上買餸推介1︰社企新鮮餸菜包 — CookEasy
如果你太忙又或懶到唔想自己洗、切食材，上網訂CookEasy新鮮餸菜包就好啱你。CookEasy是東華三院轄下專門訓練及聘用殘疾人士的社會企業，每日提供多款新鮮餸菜包送遞服務，為你省卻買餸、洗切腌煮的步驟。餸菜包種類繁多且款式定期更換，採用本地天然飼養的健營豬、嘉美雞等入饌，菜式不會添加味精色素，食得安心。
訂購方法簡便，只需於星期一至六早上10時前，到CookEasy網店選購餸包款式，即日下午3時至6時，新鮮即做、配備好醬汁煮法的餸菜包即可送達府上。只需跟說明煮製，20分鐘左右就有得食。
買滿HK$500免費送貨一次（送貨服務範圍暫只限九龍區、港島區及荃灣區）
訂購︰https://cookeasy.tungwahcsd.org/
網上買餸推介2︰本地有機農產品 — Jou Sun早晨
如果你是煮飯高手，自然著重新鮮食材。Jou Sun早晨 是本地農場直送平台，從50個本地農場及進口商選購超過1,500種貨品，當中有機蔬菜、新鮮水果、海鮮肉類、麵包、急凍食品、雞蛋、飲品、醬料等一應俱全。
平台以「新鮮」為主打，很多農場直送的食材都可以在收割後12小時內送到府上。當中出售的凍肉大多屬於有機或天然產品，例如可持續發展海產、本地嘉美雞、無激素豬扒等等，食物來源和飼養方法均清楚列明，買得安心。
平台每日晚上8時截單，買滿$300享有免運費服務，但就需要兩日後才送到；買滿$400則享有「尊尚送貨」服務，最快翌日送到。
訂購︰https://www.jousun.com/ch/
網上買餸推介3︰日本直送新鮮食材 — Oisix
宅在家亦可以買到日本直送新鮮食材。Oisix提供各種沙律菜、生果、冷凍食品、魚類、肉類和米等食物，選擇偏向日式，例如魚類提供三文魚、鯖魚；而所有食材由日本直送，保證新鮮；更強調清楚表明產地來源、嚴格監管及檢測、不賣黑心食品。
Oisix分為「普通會員」或「Weekly會員」，食物逢星期四、六或日送貨上門。
訂購︰https://hk.oisix.com
網上買餸推介4︰隨時吃季節限定水果 — Fruitually果然
抗疫更要多吃水果補充維他命。Fruitually是一所本地網上水果公司，團隊有十餘年從事香港水果採購經驗，除了有節日和季節限定的水果，還有單人水果套餐，適合想試不同款式的人；另外亦可以單買水果，而且承諾有壞包換，不用擔心買到腐壞的生果。
每次$60運費(適用於本地送貨)；又或親自到旺角弼街工埸自取。
訂購︰https://www.fruitually.com/
網上買餸推介5︰住家小菜懶人包：Fresh to go
款式眾多的Fresh to go提供多款餸菜包選擇之餘，更每日設計三款3餸1湯餐，有菜有肉有湯水。每個「餸菜包」都包一款住家小菜的所需食材，只要跟著附上的食譜烹調即可。平台同時售賣肉類、海鮮、蔬菜水果等食材，亦可以訂購火鍋及BBQ食材、湯底、醬料、串燒等應有盡有，選擇多元化。
每日上午11時截單，每張單最低消費為$350，可享免費送貨，最快即日下午便可送到。如果想星期日及公眾假期，就需提前一天提交訂單。
訂購︰https://freshtogo.hk/
網上買餸推介6︰抗疫潤肺湯包 — Festyle
Festyle網上買餸平台標榜健康無味精，由資深「煮」婦主理，設計多款即煮餸菜包及湯料包，有齊調味料，即買即煮，十分方便。近日特別推出多款潤肺抗疫及時令袪濕湯包，加上強調採購及製作過程的衛生，買得放心。另外，平台亦提供到會食物服務，選擇十分多。
逢星期一至六下午四至八時送貨，每次下單最低消貴為港幣280元。
訂購︰http://www.festyle.hk/
Follow she.com on Facebook & Instagram