陳蕾紅館演唱會加開一場：終於有少少飛畀自己朋友

陳蕾今年首次登紅館舞台開騷，由原定3場加開3月2日一場，合共舉行4場個唱，而3月2日則變成首場，門票本周五（26日） 於城市電腦售票網公開發售！

對於首次在舉行紅館演唱會，一開三場即爆滿，還再加開，陳蕾直言可能這是天意：「本來真係冇期，得3場，但運氣唔錯，突然又收到通知話有時間畀到我哋，同公司研究過之後，又唔想畀自己咁大壓力，所以決定加開多一場。」

問到她知不知道很多歌迷仍撲不到飛，黃牛飛即開天殺價？她說：「我真係唔係好知出面情况，今次可以加開，希望令大家有再多啲空間去買我演唱會。確實係內部認購時，我張海報都仲未出街，就已經爆咗！我好多朋友喺我出咗演唱Poster後，先嚟問我訂飛，我一張飛都幫唔到佢哋，𠵱家加多場，對我嚟講某程度上都係好事，我終於可以有少少飛畀自己朋友，可以睇到我嘅第一次紅館演唱會。」

雖然3月才開騷，但陳蕾表示已閉關，全副精神放在演唱會上，無論心情、體能以及表演內容，進行得如火如荼。

（即時娛樂）