夫妻關係微妙！ 嘉玲姐讚老公「偉大演員」 似強勢實質坐「下把位」

1.今屆香港金像獎落幕，最多人討論嘅，一定係梁朝偉同劉嘉玲呢對影壇夫妻！一個掛隻金色大龍蝦，猶如先去了轉街市買海鮮再入會場直落，另一個六任影帝則嘉玲姐前、嘉玲姐後，公然打情罵俏！

2.劉嘉玲大讚梁朝偉是偉大的演員，出了一千分努力！隔住個視像都feel到梁朝偉嘅尷尬味。佢力勸老婆唔好咁講，但嘉玲姐已講得欲罷不能。

3.有網民不滿嘉玲姐所言，認為「你憑咩話其他演員淨係付出100分200分？」、「作為老婆可以低調少少…」；亦有網民力撐「讚自己老公有咩問題，更何況梁朝偉都真係實至名歸」、「老公唔識講嘢，老婆幫佢包底啫」。

4.梁朝偉被網民封為I人（Introvert，內向型）代表，咁劉嘉玲則一定係E人(Extrovert，外向型)代表。一個冷、一個熱，一個凹、一個凸，係互補下婚姻關係更見長久。

5.兩人相愛至今30幾年，條路唔容易走。由80年代一齊喺TVB做小生花旦，直到88年喺《花心大丈夫》舞台劇正式撻着交往。戀情曝光嗰陣，外界絕唔睇好，仲形容係「最不般配情侶 」。拍拖期間經歷過劉嘉玲被 綁 架事件等、及男女方不間斷的感情傳聞。其實梁朝偉不時提議結婚，但一直到劉嘉玲爸爸逝世後，才的起心肝於08年喺不丹結婚。

6.梁朝偉曾經形容自己性格孤僻，患有社交恐懼症，而劉嘉玲非常愛熱鬧同社交，所以由老婆應酬及做埋自己經理人就最合適不過。劉嘉玲都曾經話，自己會盡力成就梁朝偉演戲事業。

7.其實，劉嘉玲似強勢坐上把位，但真係坐緊嘅，係下把位。梁朝偉曾承認，老婆一直對佢百般遷就；他對家事毫不關心，有時仲要因為要me time，會一個人飛去日本幾個月。劉嘉玲話已經學識 #忍 ，仲講過「婚姻就係忍！」講真嗰句，如果唔係劉嘉玲咁公然及誇張地稱讚老公，令梁朝偉只需 #講多謝 ，難道要梁朝偉自己開口稱讚自己係偉大演員？！劉嘉玲被非議，但佢呢個「下把」老婆位，係穩如泰山。

▼Follow 娛頭
Facebook: https://www.facebook.com/profile.php?id=61554772610166