哥哥被傳拖糧失聯　林凱恩劃清界線：我哋好少見

藝人林凱恩（Iris）在將軍澳電視城出席劇集《愛美麗狂想曲》宣傳，講到其室內設計師哥哥林祥晉，被指涉及裝修工程拖糧並人間蒸發一事。她說：「未清楚件事，仲未聯絡到佢，哥哥結婚搬出去之後都好少見面。（有冇影響到你？）入得娛樂圈都預咗有唔同嘅新聞，無可避免，只能夠做好自己。（債主有冇變咗搵你？）都收到一啲短訊，但我唔係當事人，亦未搵到佢，唔知件事係點，同埋覺得成年人都要自己負番責任。」

至於這次受到哥哥影響，問有沒有怪責對方？她說：「作為屋企人只可以畀關心、支持，做好安撫媽媽嘅角色。（媽媽好傷心？ ）佢擔心我多啲，所以我要更加堅強，令到佢覺得有呢個女好恩惠，亦顯得我開始成熟。」

東網網站 : https://on.cc/

東網Facebook專頁 : https://www.facebook.com/onccnews/