楊秀惠大馬親妹妹曝光 巴打：對腳同家姐一樣正！

TVB藝人楊秀惠（Vivien）出名有對白滑長腿，加上又靚又勤力，誰不知Vivien親妹妹Fiona原來都勁靚女！日前Fiona生日，楊秀惠就用心將兩姊妹嘅生活點滴整成短片，並感性發文賀呀妹，不過唔少人反而將重點放咗落Fiona嘅美貌上！

撰文：東方新地｜圖片：Instagram

楊秀惠大馬親妹妹曝光

日前，Vivien親妹妹生日特登於IG感性留言：「今天是我妹的生日，生日快樂。謝謝爸爸媽媽在五一勞動節生了個妹妹給我。雖然小時候我有時會欺負她，雖然她小時候只要一用我的東西就會弄壞，但是她是個我可以永遠信任，就算爭吵了也永遠不會離棄大家的好閨蜜。姐妹就是偶爾會互相欺負，但是又會互相愛護。偶爾會覺得對方很煩，但少了對方人生又少了快樂。所以，謝謝你選擇在五一勞動節的時候出世，那以後只要你生日大家都會放假為你慶生。姐姐祝妳生日快樂，身體健康，永遠幸福快樂。姐姐愛你。」

貼文一出，唔少網友除留言祝Fiona生日快樂外，更非常關注Vivien妹妹Fiona，事關個個都大讚「兩姊妹都好靚」係圈中靚爆姊妹花！

不過，今次並唔係Vivien第一次post呀妹嘅相，之前間唔時都會見Vivien晒出同呀妹嘅合照！

睇相，呀妹Fiona似乎比較鍾意個性短髮，反而家姐Vivien就鍾意留長髮，雙方都走唔同路線，不過重點就緊係兩姊妹都堅係靚女一名！

兩位除咗都係個靚女之外，相信兩姐妹其中另一樣最似嘅就係大家都有一對長長嘅白滑長腿，網民淨睇都留哂口水！

睇返呀妹Fiona嘅IG，原來就有近20萬粉絲，而且唔少都係馬來西亞粉絲，絕對可以話係人氣網紅！

據了解，Fiona今年32歲，比楊秀惠細三歲，但因為呀妹住喺馬來西亞，所以平時同家姐Vivien好少見面。

而且，Fiona久唔久就會喺社交平台發文為家姐Vivien嘅美妝公司產品賣廣告，賺到人氣之餘又幫到家姐，呀妹真係醒目！