2018落選華姐原來是清純美女！這4位滄海遺珠有望被力捧

2018落選國際中華小姐選舉結果塵埃落定，冠軍陳曉華Hera以大熱姿態當選，為港爭光，總體嚟講觀眾都對賽果比較滿意。大家都知道喺美女如雲，競爭激烈嘅華姐競選中，能夠入選五強，人氣同實力已經要非常強勁。而落選佳麗中其實都有值得關注嘅美女，包括彭嘉伊、林昀佳、黃夢晴同妮素達，實力、外表與身材同樣不能忽視，絕對有機會成為圈中備受矚目嘅女藝人！

6號落選華姐：大馬女神彭嘉伊

賽前呼聲好高嘅6號大馬女神彭嘉伊，笑容甜到入心，加上一對白滑長腿，身型修長，非常有氣質，所以一直都被視為係冠軍大熱人選之一。彭嘉伊同冠軍Hera係相鄰號數，兩人硬照擺埋一齊睇，彭嘉伊論外表同五官一啲都唔輸俾Hera。所以佢連十強都入唔到，好多fans，尤其係大馬fans都非常唔服。

▲Hera(左)同彭嘉伊，邊個靚啲？

▲彭嘉伊著裙當然好睇，但原來換上悠閒嘅褲裝都非常啱佢，相信呢身打扮好多女仔都會鐘意。

彭嘉伊笑容超級治癒，平時打扮都系偏淑女風格，非常有鄰家女孩嘅感覺，但女神風格都可以駕馭。佢嘅IG有十幾萬followers，未參加比賽之前已經小有名氣。失落十強，彭嘉伊喺IG上寫話自己都好失望，但佢好感恩在比賽中得到咁多fans同支持，仲大方祝福三甲嘅好姊妹！

19號落選華姐：來自多倫多嘅台灣輕熟女林昀佳

雖然唔似其他幾位大熱一樣有名氣，但19號林昀佳出場時都令好多人眼前一亮。27歲嘅林昀佳係代表多倫多出戰嘅台灣輕熟女，相比其他20出頭嘅佳麗，佢年紀比較大，而且身形嬌小，但佢五官非常精緻，而且操一口流利嘅國語，好有台灣美女嗰種又性感又甜美嘅感覺，絕對係男女通殺嘅長相。

▲呢張相，林昀佳有少少似王君馨。

比賽當晚，在才藝表演中，林昀佳選擇唱愛回家嘅主題曲，相比起其他佳麗的跳舞，同陳曉華好似雜技咁高難度嘅空中呼啦圈，佢嘅表演確實略微遜色。所以十強不入。不過林昀佳話自己對戲劇方面好有興趣，想留喺TVB做演員，所以以後應該會有好多機會喺劇集中見到佢。

10號落選華姐：梅州客家高妹黃夢晴

代表梅州參選嘅黄梦晴睇落去都係鄰家女孩嘅感覺，笑容甜美，高高瘦瘦，不過其實佢係一名貨真價實嘅模特，身高足足有177cm，行天橋嘅氣質喺19位佳麗中當然係無人能敵。

黃夢晴氣場無敵，才藝表演環節跳嘅傣族舞都特別，跳得好好，有留意嘅觀眾一定印象好深刻。

▲177cm高的黃夢晴，行catwalk 好有天分。

黃夢晴(左一)無疑係靚女，但相比其他佳麗，佢總體嚟講冇咩特色，可能因為咁而落選。

7號落選華姐：老撾美女妮素達

7號選手妮素達喺比賽當晚好似俾人遺忘咗一樣，連鏡頭都唔多。佢嚟自老撾，化完濃妝之後嘅佢俾實際年齡老咗唔少，但其實佢係啱啱預科班畢業嘅學生，只有20歲咋。妮素達喺身材方面比較矮同壯實，喺一眾有樣有身材嘅佳麗中真係略微遜色。

妮素達喺比賽當晚嘅發揮有限，肯定不如其他佔有優勢嘅選手。

以一身老撾傳統打扮見人嘅妮素達睇落去真系非常成熟，點睇都唔似係只有20歲嘅妹妹仔。不過睇返IG，原來卸咗妝嘅佢都係一個清純小美人嚟架。

換上便服，化淡妝嘅妮素達搖身一變，變返做清純少女，有返20歲女仔嘅青春同可愛，同台上嘅佢差別真係好大。妮素達雖然比較壯，但胸部非常有料，應該屬於傳說中最受男士歡迎嘅微胖身材！

圖片來自instagram及微博

**Follow us on:

• Facebook: CosmoHK
• Instagram: @cosmopolitan_hk
• YouTube: CosmopolitanHK**