賀歲電影《如珠如寶》雲集幾位香港重量級老戲骨，當中以國際功夫巨星影帝洪金寶(三毛)最具壓場份量兼寶刀未老，今次搵嚟呢位影壇大哥大嘅早期圖片，罕見又經典。
撰文：東方新地｜圖片：東方新地
回顧67歲洪金寶早期後生相
｜58年 入京劇學院
58年洪金寶(右一)6歲被送入由于占元(于素秋爸爸)創辦嘅「中國戲劇學院」，取名元龍學習京劇、武術、打觔斗等技藝，自大師兄元庭(左一)出走，排第三嘅佢成為大師兄，眾師兄弟妹喺香港影壇發光發亮貢獻巨大。
｜61年 9歲做童星
洪金寶早喺9歲時就以藝名朱元龍做童星，處男電影係同曾江妹妹林翠合作嘅國語片《愛的教育》，演乖巧但內向嘅小學生，經常眼泛淚光演得動人，片中仲有大師兄元庭合演。
｜73年 對戰李小龍
洪金寶曾自爆因言語誤會同李小龍切磋，隻腳起到一半，對方隻腳已印喺三毛塊面度，兩人不打不相識， 年李小龍在荷李活電影《龍爭虎鬥》搵洪金寶合演一場別開生面嘅MMA式對打成經典。
｜82年 《提防小手》攞影帝
82年洪金寶自導自演 《提防小手》，同陳勳 奇、劉克宣(右)三師徒以偷竊為生，比杜琪峯08年《文雀》 早 26年展示扒手偷錢招數，而洪金 寶更憑電影奪第二屆香 港電影金像獎「最佳男主角」，首奪影帝殊榮。
｜83年 罕著踢死兔
洪金寶衣著一向都好平民化，呢次罕有咁煲 呔踢死兔上陣，加埋手戴金鏈金錶同燦爛笑容，極具紳士型男魅力。
｜83年 前妻誕獨女
83年洪金寶首任韓籍妻子曹恩玉(左一) 誕下女兒洪煦榆，令已經有洪天明、洪天祥、 洪天照三個仔嘅洪金寶如願追到個女， 月為孻女煦榆擺滿月酒。
｜83年 師兄弟合體
83年「七小福」之一嘅洪金寶、成龍、元彪三師兄弟終於喺由成龍執導嘅 《 計劃 》首次合體演出並大獲成功，之後呢個鐵三角一齊拍咗《快餐車》、《福星高照》、《夏日福星》 同《飛龍猛將》，套套票房大賣。
｜84年 至深情眼神
被喻為「地球上最靈活肥人」嘅洪金寶，呢張攝於84年嘅相，三毛呢個凝望眼神，好似啲文藝電影深情男主角，相信好多女fans都想向佢懷抱撲。
｜85年 突破演智障
銀幕上勇猛好打得嘅洪金寶，85 年喺溫情 + 動作電影《 龍的心 》作新嘗試演智障人士，片中成龍為照顧呢位智 障哥哥而放棄夢想，而三毛個齊耳冬菇頭成為日後阿旺等同類角色標準髮型。
｜87年 邂逅高麗虹
87年電影《 東方禿鷹 》中，從未如此咁瘦嘅洪金寶，演到越南執行任務嘅雜牌軍成員，戲外同演柬埔寨反越共游 擊隊隊長嘅84年港姐冠軍高麗虹互生好感撻著後，91年同太太曹恩玉離婚，95年迎娶高麗虹。
｜88年 《七小福》雙料影帝
88年羅啟銳執導根據京劇大師于占元事蹟 改 編 嘅 電 影《 七小福》，由洪金寶演恩師于占元，唔靠武戲 靠文戲憑精彩細膩演 出，連奪第八屆香港 電影金像獎同第 三十三屆亞太影展「最佳男主角」，成雙料影帝。
｜98年 拍美劇爆紅
98年洪金寶進軍荷李活拍美劇《 過江龍 》，同清 談節目主持人 Arsenio Hall(右)、華裔女星胡凱莉合演，劇中演武功高強嘅中國超級警察，並成為洛杉磯警局犯罪科成員，套劇大受歡迎而連拍兩季，事業創 另一高峰。
洪金寶 歎啡過日晨
話說之前都仲係坐緊輪椅，早排見到大哥同結婚23年靚老婆高麗虹現身尖沙咀飲咖啡，精神好好、仲唔使用輪椅㖭，睇怕膝頭舊患康復唔少！二人約埋另一pair年紀相約友人在咖啡店歎啡吹水，高麗虹開心談笑，大哥就掛住睇電話，唔通望吓孫仔TJ同JC身在內地錄影新況？
67歲花樣爺爺洪金寶同依家後生一輩一樣歎啡、行街電話不離手、頭都唔使抬㗎！突然諗番起早前嘅城中熱話，就係「一睇就知整容N次」𡃁模掛住玩電話被鬧「撞到我個仔你賠唔賠得起」，其實行街玩電話邊度係𡃁模專利呢？
洪天明帶住兩個囝囝同老婆一家四口參與內地真人騷《想想辦法吧爸爸》，節目播出後，人氣升兩個小朋友可能有排忙，爺爺要見孫可能要預約咯﹗
親子真人騷 受內地觀眾歡迎
內地真人騷《爸爸去哪兒》拍了五季深受觀眾歡迎，參與拍攝的明星二代全部都人氣急升，去年陳小春帶住兒子Jasper參加演出後，Jasper即成為內地炙手可熱童星，可想而知這類真人騷的入屋程度有幾勁。早前朱茵阿Paul亦解除防線，破天荒讓女兒參與由優酷製作的《想想辦法吧！爸爸》，節目名雖然只提及爸爸，但實際上卻是全家出動，朱茵才是最關鍵人物，因為參與的五位明星媽媽為了放鬆而组團外遊， 五位明星爸爸就負責帶住仔女長途跋涉去搵媽媽。
今次拍《想想辦法吧！爸爸》除了有香港人熟識的朱茵阿Paul一家三口外，還有洪天明與周家蔚一家四口。洪天明要長時間一拖二，帶住5歲大仔洪大仁及3歲細仔洪竟琋去搵阿媽。