【爆內情】落選港男梁裕恆為黃心穎發聲：佢係受害者

黃心穎和許志安在車廂偷情事件，轟動娛樂圈，心穎和安仔形象插水，而他們亦先後為事件道歉，安仔太太鄭秀文（Sammi）和心穎男友馬國明亦開腔表態。

事件連日來被網民狂洗版評論，事件發展到第五天，2016年落選港男的梁裕恆（Flow），在社交網貼上和心穎合照，並留言力撐對方，Flow更指心穎是「受害者」，他還大爆內情：「突然醒起一些事情，不吐不快。醒起有一日佢好唔開心咁同我講因為同男朋友好小（少）機會見面，感情出咗問題，又話愛上咗另一個男人係有婦之夫，好內疚。那個是天后的老公，但那個男人說佢哋嘅婚姻一早出咗問題，個男人同佢講會離婚，她才願意跟他一起。如果係咁她只是一個受害者。事件報道後，冇人同佢講過一句公道說話。我亦唔明點解她一句都唔回應，一個人攬晒上身。個男人唔係有錢？又唔係好樣？佢又唔係賣身，只是一個追求愛情嘅女仔。個男人冇野（嘢）畀到佢，就只是愛錯一個人，係有錯，但罪不至死！」

此番留言惹起網民熱話，有網民指Flow「抽水」博出位，甚至直斥：「歪理﹗」﹑亦有網民說：「如果事情係咁樣嘅話，其實應該等個男人離咗婚先至再同佢一齊， 咁就唔會搞到今時今日做咗罪人。」﹑「你那時候應該糾正佢 不可對有婦之夫有感情 道德上是不容許的。教識他要尊重別人的家庭。咁就應該唔會有事，可能佢太細.社會經驗和愛情不是太董，每一個人都可以有追求愛情，但不能夠追求已婚或有男女朋友的，這樣已經構成第三者。是不太好的。」

（即時娛樂）