新冠肺炎疫情未見減退，少爺占同不少香港人一樣，避免聚會同減少出外用餐，選擇親自下廚，慳口罩之餘，更減少機會接觸病菌。相信是次疫情令不少人的廚藝有所進步，少爺占就是成功例子之一，成為一家之煮的他，更有望去除「地獄廚神」的稱號！
原文刊於：東方新地｜撰文、圖片：東方新地｜編輯：YCL
少爺占疫情下廚藝進步 日台泰菜都識煮
商台DJ少爺占（甄子康）都變成一家之煮，近來只要6歲囝囝Timmy話想食乜，少爺占就會想盡辧法煮出嚟，好似台式肉燥飯、泰式冬陰功、日式溫泉蛋等，主菜之外，連甜品都炮製埋，呢個老竇真貼心 ﹗唔單止咁，為了停課的Timmy安排活動，少爺占仲安排親子焗麵包㖭！
哈日族無得去日本 同家人相處更開心
不過其實少爺占變身煮夫之前，都係一個會買外賣返歸醫肚嘅人，早排疫情未見嚴重嘅時候，少爺占喺商台放工後，唔係立即返屋企，而係揸車落九龍城買外賣，見佢買嘅份量至少兩個人食，相信係買番去同老婆囝囝一齊開餐啦 ﹗疫情令哈日族少爺占冇得飛去日本，計劃打亂，但多咗同囝囝相處嘅時間，日日煮健康餐畀囝囝食，增進父子情仲可以食得有營㖭！
喜歡聽電台節目的人，對「少爺占」這個DJ絕對不陌生，無論是清談節目，還是音樂節目，少爺占總能用一把搞怪得來又帶點磁性的聲音，帶領聽眾走進歡樂的世界。在搞笑背後，少爺占與青梅竹馬的太太育有一子，是名符其實的慈父，經常一家三口齊齊出動，溫馨無比。
平日DJ少爺占（甄子康）在商台做節目，有急材又搞笑，想不到他是一個好長情又專一的好男人！少爺占和太太Tina(冼燕珍)是幼稚園同學，兩人在中學時重遇及拍拖，一拍就17年！直至06年二人選擇在情人節秘密結婚，婚事好低調，只有雙方家人才知，連商台同事和朋友都不知情，到2013年阿占才公開已婚的秘密。2014年二人的愛情結晶品出世，囝囝甄和天(Timmy)依家已經3歲喇！阿占同太太相愛足足28年，依然恩愛，真係羨煞旁人！