廣告（請繼續閱讀本文）
藝人唐詩詠現時正為無綫新劇《超能使者》開工，這套劇是之前《唐人街》班底，演員一早已甚有默契，雖然同樣是打到飛起，相當辛苦，但監製與演員都合作得相當愉快，還要有「阿哥」林子善同劇，對方不時都照顧住阿妹，全組人都相當有愛。
難怪唐詩詠拍到「死死吓」都不禁於社交網上載兩張笑到冧滋滋的相片，留言晒命：「髮型姐姐問我，你拍呢套劇係咪好開心？見你日日返工個樣都係笑嘅，唔係真係大笑，係內心發出來嗰種喎！諗一諗，成日喺三十幾度高溫下拍攝，拍到成個人虛脫咁滯，然後返到廠拍，又凍到好似喺雪山咁，又暖包又羽絨，但每日都係好想返工，我諗，我真係拍得好開心！」
東網網站 : https://on.cc/
廣告（請繼續閱讀本文）
東網Facebook專頁 : https://www.facebook.com/onccnews/