小米一向百足咁多爪，細至耳機、大至冷氣機都有，估唔到子品牌紅米（Redmi）都一樣咁多元化，剛剛春季發布會除了發布手機，竟然仲有洗衣機！新機名為Redmi全自動波輪洗衣機1A，全白色金屬機身，設計簡約。新機屬頂揭式設計，8kg容量，官方表示可一次過清洗約36件衫。新機除了提供10種洗滌模式，亦用上蝶形水流，官方指技術可以洗滌乾淨之餘，亦可減少衣物磨損及變皺。其他功能仲包括滾桶清潔、風乾、兒童鎖等，功都齊全。最驚喜當然就係定價，Redmi全自動波輪洗衣機1A只售799人民幣，折約HK$934，4月9日開賣，有冇洗衣機夠佢抵玩？
廣告（請繼續閱讀本文）
