邵珮詩、蘇韻姿、謝嘉怡、蔡思貝、邢慧敏、黃碧蓮、警「募」大使 Sharon及警「募」大使樂怡
無綫節目《不可能任務》第2季第二輪「警隊跨部門演習」昨晚（11日）首播，由隊長蔡思貝率領同為港姐出身的謝嘉怡、邵珮詩、蘇韻姿、黃碧蓮及邢慧敏等，接受由「警察搜查隊（FSU）」、「警察談判組（PNC）」、「警察高空工作隊（FRAC）」及「後備爆炸品處理小組（EOD Cadre）」安排的為期三星期專業訓練，最終六人會攜手上演聯合小型演習作為「畢業任務」。
廣告（請繼續閱讀本文）
廣告（請繼續閱讀本文）
在思貝編排下，碧蓮及邢慧敏負責體驗「拆彈」工作，謝嘉怡、蘇韻姿及邵珮詩則體驗相關支援工作，並學習操作「拆彈機械人」。碧蓮與慧敏穿好防爆衣後，便率先進入實戰場地進行任務，碧蓮出發前雖然信心十足，可惜她在第一階段已嚴重犯錯，引爆「模擬炸彈」造成巨響，除了嚇窒所有在場隊員，她自己亦嚇至尖叫兼四腳朝天。談到任務未曾開始已失敗，碧蓮坦言對自己很失望：「其實佢爆嗰陣，我係唔知道會真係有爆炸聲，呢個真係嚇親我。我仲記得我真係大叫咗出嚟，跟住我仲『戥』親頭，因為個頭盔好重，我跌落地下嗰陣係啪一聲。跟住我望住個天，感嘆自己Fail咗。」
廣告（請繼續閱讀本文）
黃碧蓮負責「拆彈」。
昨晚另一亮點，是開鏡當日已表明因母親回港而增磅不少的蘇韻姿，全程肉緊大派表情包。雖然蘇韻姿拍攝節目時略顯「幸福肥」，但近日已極速回復苗條身形。問到如何成功極速瘦身？蘇韻姿笑言：「其實接拍之前已經有注意番飲食同減食量，主要都係少鹽少糖，同埋做多咗運動。我自己鍾意做高溫瑜伽，因為可以幫助排毒，亦都舒展到筋骨等佢冇咁易受傷。另外我依家鍾意咗玩一個叫Animal flow嘅運動，係瑜伽加跳舞再加少少雜技技巧嘅運動，都幫助到增肌。」
蘇韻姿（右）七情上面。