李靖筠（Gladys）日前舉行小型音樂會「Gladys’s Archive Live」，已差不多一年沒有Live演出，她表示收到這次演出的消息已十分興奮：「我都唔係好記得對上一次live show係幾時，不過肯定有一年以上，所以今次知道呢個演出係好期待，好早已經喺度諗揀咩歌好。我諗所有歌手都喜歡做live，因為可以見到台下觀眾反應，可以互動。」
Gladys在音樂會上共演唱了9首歌，她首先唱出自己有份作曲的歌曲《00000》為音樂會暖場，輕快節奏立即令觀眾進入狀態。隨後唱出多首英文歌，唱《Dancing with my phone》時她更以結他自彈自唱，她為這演出練了一個月，希望歌迷喜歡。Gladys又演唱新歌《苛刻》，encore時段以《第三顆行星》為音樂會劃上完美句號。
廣告（請繼續閱讀本文）
演出後Gladys稱雖然音樂會在室內舉行但大門長開，笑說：「冷氣走晒，變咗同室外冇分別，分分鐘仲熱過室外。咁啱嗰日係熱到癲咗，大家又焗喺入面，我一路唱一路流汗，如果有quick change，我諗我會換泳衣。有段時間真係唱到個人都暈暈地，差啲以為自己中暑，哈哈！」
（即時娛樂）