多宗炒家 FULL PAY 低水單位！「一炮過」有乜優點同缺點?

有錢人買樓梗係「一炮過」？近日樓市連環錄得「一炮過」（Full Pay）成交個案，成交集中低水放盤單位，用家及投資客各佔一半，當中不乏內地買家及本地投資者。

其中將軍澳日出康城領凱10座一個中層單位，面積600方呎，3房間隔，最新獲內地專才「一炮過」以610萬承接，呎價10167元；屯門兆康苑S座高層1室，面積447方呎，2房間隔，獲同區租客以339萬「Full Pay」買入，呎價約7584元。

值得一提的是，資深投資者呂宇健（Ken Sir）今年以來共「Full Pay」購入5伙單位計劃作短炒投資，包括荃灣中心3伙細單位，成交價分別為280萬、288萬及315萬元；1伙荃德花園2房戶，成交價297萬元；以及斥資1,385萬元買入擎天半島6座中層戶，實用面積632平方呎，成交價為1,385萬元。

上述5伙單位中有3伙成交價低於300萬，即只需繳納100元印花稅。呂宇健更豪言會繼續物色低估值物業，今年打算斥資逾半億短炒10至20個單位，預計可獲利1,000萬元。

「Full Pay」買樓需要有相當實力，哪類買家適合「Full Pay」？咁樣做有何好處？

有代理指，「Full Pay」買家主要分為三大類，第一類為短線投機者，短期之內會出貨，為免提前還款被罰息，所以選擇「一筆過」形式買樓；第二類為內地買家，因為審批按揭較嚴謹，部分實力買家寧願一次過支付；第三類買家為之前一直將資金存放於銀行做定期收息，見租金回報率不斷上升，將資金轉為買磚頭收租。

但如果以「Full Pay」形式買樓，便需要考慮樓契的存放地方，例如銀行保險箱或家中。然而，銀行保險箱須時輪候，而且收費亦不便宜。若存放於家中，一旦保管不善令樓契損毀或遺失，會令物業日後轉手困難，影響賣出的樓價。而且「Full Pay」買樓會鎖死一大筆現金，又無按揭供款抵稅、高息戶口、現金回贈等著數，所以一向較少人選擇。

想緊貼樓市最新動態，記得追蹤28Hse以下平台！

28Hse 網頁：https://www.28hse.com

YouTube：易發睇樓團 (https://www.youtube.com/@28hse_com)

Facebook：28hse.com (https://www.facebook.com/28Hse)