陳自瑤（Yoyo）、賴慰玲、黎諾懿及羅天宇主持的綜藝節目《香港婚後事》，今晚（26日）播出的第2集請來曾比特（Mike）現身分享感情觀、探討十大男生最討厭女生行為等。Mike談到婚姻話題時稱結婚在現今社會變得形式化，他認為伴侶相處溝通才最重要︰「結完婚都可以離婚，只係一張紙。如果同佢好close、大家相處好有愛嘅話，結婚係令大家段關係更加昇華；相反，如兩個人唔係相處得特別好，結婚只不過係將呢個形式轉去第二個形式，冇解決過問題。」
廣告（請繼續閱讀本文）
Yoyo問他將來可會跟伴侶生兒育女時，Mike自言未有資格做爸爸。黎諾懿、羅天宇公布網絡十大男生最討厭女生行為前，先訪問了Mike的想法，Mike自言最怕女生約會時遲到，並透露其朋友等了女方7個小時的經歷。他被問到可接受「監控狂女友」時說︰「唔介意被另一半睇手機，但如半個鐘睇一次就over得滯。至於點樣令佢有安全感，呢個可能係我嘅責任。」
賴慰玲被爆在拍攝節目的第一天已因宿醉嘔吐。黎諾懿說︰「佢前一晚只係飲咗兩杯啤酒﹗隔咗咁耐，我以為講笑，點知佢真係嘔。我哋真係惜佢，冇拍到佢嘔，點解唔拍佢嘔呢？」羅天宇在節目中分享對「公主病」及「拿前任來比較」等行為的看法。
（即時娛樂）
廣告（請繼續閱讀本文）