BossMind全新直播節目《中環華爾街》，今日有Yumi同新城晉峰金融集團分析員莫灝楠 aka 灝楠哥，同大家迎接2022年港股、美股第二個交易日。
美股開局省鏡，周一晚道指，標指齊破頂，不過，現時歐美疫情嚴重，美國十年期債息亦飆高，會否成為後市負累？灝楠哥表示，兩年前大市因為疫情而出現股災，因為當時一切是預期之外，但現時死亡率已減，加上美國靠印錢去頂住，「你話依家美國估值好高，會唔會爆破，我覺得未係時候。會貴，會橫行，會回調，但唔係話爆泡。」他預期納指會橫行，舊經濟股會行得好少少，因此建議倉位配置，有三至四成買入舊經濟股，如United Health（UNH）。
廣告（請繼續閱讀本文）
Tesla（TSLA）周一晚急升14％，受惠去年交付量增幅遠超集團目標而大升，單日成交額相當於3100幾億港元，「呢一棍同大家講，短期減持壓力release返出嚟，所以我認錯架，夾死我啦，所以Tesla信徒係勁！」他表示，「如果Tesla都咁樣拗腰彈，成個市對高估值股份態度，未必想像中咁差。」
下周四公佈季績的台積電（TSM），周一大升7％，灝楠哥表示，在加息周期，台積電估值相對貼地，會令投資者重新注意，股價方面就唔使太膽心，但唔好預期佢會行得好快。另外，由於蘋果（AAPL）與台積電關係太緊密，其壟斷地位難以被打破。台積電亦為佢今日心水推介，「唔係唔追呀嘛？」
想睇詳盡分析，立即重溫2022年1月4日《中環華爾街》！
廣告（請繼續閱讀本文）
廣告（請繼續閱讀本文）
【中環華爾街】
主持： 丘紫薇 Yumi Yau
嘉賓： 新城晉峰金融集團分析員莫灝楠
時間： 下午3:00至4:00
直播平台：BossMind YouTube Channel
密切留意BossMind動向！立即CLS