陳慧嫻紅館騷穿7吋高踭鞋發生跌倒意外 執生擺優雅靚甫士

陳慧嫻7場《“The Fabulous 40 Priscilla" 40周年演唱會》昨晚在紅館舉行首場，期間發生小意外。慧嫻唱到中場，換上深籃絲絨公主裙再出場，華麗又高貴，唱完《明日有明天》，穿6、7吋高跟鞋在台中央的她，踏兩步跟台邊的音樂監製何秉舜說話時，疑因裙擺太大，一時步履不穩，慢動作絆倒在台上，何秉舜立即衝上台，她先撥開對方，執生坐在台中央，擺出優雅甫士打圓場，她笑說：「唔係吖，咁都幾靚吖 ！」何秉舜扶起她後，她續說：「 係咪衰，都說不要讚自己靚，立即唔靚嘞。」全場立即大叫好靚，支持她。她聞言開心笑：「 我是華麗的跌，大家可以讚我，我不可以讚自己，哈哈哈，其實我跟何秉舜衣著幾襯，我好靚呀！哈哈哈。」她又大讚「英雄救美 」的何秉舜為她改編歌曲好好聽、好叻：「 邊個嫁到他就幸福嘞。」之後慧嫻繼續演出，表現專業。

（即時娛樂）