過往予人感覺花弗的吳浩康（Deep）經常換畫，入行後曾與胡定欣、莊思敏及鍾舒漫拍拖，更有指背著女友「偷食」前科，人格備受質疑。不過近年吳浩康「浪子回頭」，與郭思琳（Margiela）成家立室後，被冠以「職安真漢子」稱號努力賺錢養家，成功洗底獲讚好男人！近日他現身田蕊妮主持的節目《港女又萬歲》，大談對男人出軌和召妓的看法，剖白當年出軌的矛盾心情，直認過往出去玩和偷食，自嘲賤格！
杜汶澤喱騷 Chapman To's Lateshow的網台節目《港女又萬歲》新一季開鑼，日前播出首集，由田蕊妮、蝦頭（楊詩敏）、KOL貝依霖訪問吳浩康、Phat@24味及Sammy@KOLOR，討論男人對出軌的心聲。節目開始，田蕊妮隨即大讚吳浩康現在是好老公、好老竇又有膊頭，Deep謙稱：「一班地鐵裏面有幾多個咁樣嘅男人，我做咗兩年啫最多，我唔好意思認，做得耐過我嘅大有人在。」
過往愛情史事件簿極厚的吳浩康，經常換畫的花弗形象，予人印象不討好。入行後曾與胡定欣、莊思敏及鍾舒漫拍拖，更曾被指背著女友「偷食」前科，人格備受質疑。最為人熟悉與鍾舒漫的一段情，原本二人已經訂婚，但當時Deep卻被爆同時追求6個女仔，更與女伴當街擁吻，最終分手收場。
吳浩康對以前的過錯直認不諱，更自爆以前「個朵臭到已經溝唔到女」，說是兒子給機會自己展示「膊頭」，他表示：「以前我都有養老竇，人哋唔會覺得係點，都係等做明星嘅一條契弟，但係我又做其他嘢，做保險。我個仔出世之後，好似俾咗個機會外面嘅人認知，所以好多謝我個仔。」Deep亦坦言婚姻需要長期磨合，因為自己有認真面對婚姻，所以會攰，當他講到「咁我老婆都攰嘅講真。」時，阿田說：「做多咗喇呢句！」他說：「正常囉。（田：而家都喺渣男個Pool？）當其時係，我係有女朋友嘅時候有其他人，我係出賣咗佢。（田：而家俾人完美嘅感覺。）可能係反差啫。」
田蕊妮坦言，以往Deep被形容為「渣男」，自從做「職安真漢子」後，成為公認的好男人。而Deep幽默回應：「更新人士啫最多，唔好話浪子回頭。」
吳浩康爆seed：唔信有男人冇滾過！
之後田蕊妮開始入正題，追問吳浩康見到靚女會唔會仍想跟她玩，他表示：「冇㗎喇，煩惱嘅開端，好驚。你睇得太化就唔係愛，愛就係好想都唔去。」另外，引用葉念琛電影的一句金句：「十個男人九個滾，剩返嗰個仲諗緊。」田蕊妮問在座幾位嘉賓是否認同，Deep竟爆seed：「唔滾嘅，會有，但係冇滾過嘅我就唔信，一次半次都會有。」
直認曾出軌尋刺激
「有沒有試過明明有女朋友，但都出去嫖或出軌？」對於田蕊妮以上提問，吳浩康也大方回應：「我有試過。」自白因出軌而內疚，但都要做。Deep解釋：「因為又有另一面誘惑嘅引力，所以某程度上就係經歷咗好多次呢啲，覺得好攰，就唔再去。係好矛盾，你明知係錯，明知係出賣，但係另一面又覺得做嗰件事又誘惑，出軌有出軌嘅刺激，或者嗰個對象，本身你都會對佢有一個好感，同埋我自己就變態啲，好幼稚地覺得好多人鍾意我，好似覺得自己好X勁。」
被問被另一半發現出軌會否放棄小三Deep妙答！
對於出軌一事，KOL貝依霖亦追問在座男士只是怕麻煩才不出軌？吳浩康回應：「怕麻煩，同埋唔想冇咗。」他慶幸自己遲結婚，否則一段關係一旦有一方出軌，都一定搞到好麻煩。田蕊妮續說，如果男方偷食被另一半發現，是否必然果斷放棄小三，Deep秒回：「我點知呀，我冇小三。」他又相當識做，連番表示：「老婆最重要」、「得一個老婆豬冇其他女人。」直言現時見到靚女都行開啲，似是向老婆大派定心丸！
周庭 唔好意思，我就係冇。🤷🏻♂️
2024年11月22日02:01
Άγνωστος 🔭 相反丫，你老婆背住你去滾，之後再同你講，有邊個女人未出去玩過男人丫，咁你又係未會完諒佢？
2024年11月22日01:33
༛༒ê||f'ёγ ᝰ ༲ ∂♥ 我自己都玩到鬼五馬六好精彩㗎
但當我結咗婚
我都一定唔會再玩
就係咁簡單
至於結婚唔結婚？
呢啲雙向㗎喎
要睇個女人嘢唔野蠻自唔自大㗎喎
相處唔到？
幾愛都冇可能同佢結婚啦
2024年11月21日22:51
༛༒ê||f'ёγ ᝰ ༲ ∂♥ 佢輸打贏要啫
馬死落地行囉最多
Btw依家一大堆女人都出軌出到擺曬明㗎喇
其實啲節目反而訪問下啲女人仲吸view
但可惜
冇咩邊啲女人會有勇氣敢直認囉xD
2024年11月21日22:50
Andy Ng 轉頭咪偷食
2024年11月21日20:33
顯示全部