張敬軒自去年於倫敦人綜藝館所舉行的2個系列演唱會以來，反應熱烈，每次門票開賣均秒速售罄，又試過因為太多人登入購票網站導致「冧server」，幾乎每次開騷都一票難求。雖然今晚（17日）是尾場，但門票依然被黃牛炒至7000多元一張，十分誇張。
由於今次演唱會門票供不應求，為了可讓更多觀眾觀賞這個演唱會，加上軒仔為澳門帶來至少5億的經濟收益，澳門倫敦人及主辦方宣布，加開2025年1月11、12、17及18日共4場，作為明年倫敦人綜藝館獨家駐場演出的頭炮之作。
昨晚（16日）演唱會上迎來特別嘉賓，軒仔指自己唱了14場，昨晚是首次有種考試感覺：「因為我人生之中其中一位偶像、可以話係我嘅音樂啟蒙老師嚟咗。」他回憶大約是1990年的時候，經常聽一張很經典唱片，以及看一個演唱會的錄影帶，他說：「我覺得今（昨）晚係我嘅職業生涯當中，一個十分之Remarkable嘅一晚，我要喺度多謝陳慧嫻小姐，多謝你。」然後對着慧嫻「表白」：「你知道嗎？你喺去讀書之前嘅演唱會，我真係由頭睇到落尾，我由Opening一路到Closing，甚至乎成個《跳舞街》嘅Step我都仲跳得出。以下呢首歌可以話係我未變聲嘅時候我唱得最似你，因為我學緊咬字，同埋我覺得你好靚，嗰個演唱會個頭紗同埋嗰條裙，我每次唱呢首歌嘅時候，我都覺得好似有任務喺身，送畀大家呢首歌《夜機》。」隨後軒仔又向粉絲表白：「開演演唱會令自己叉爆電，因為有粉絲滿滿嘅愛。」
去年張敬軒於英國倫敦Royal Albert Hall（RAH）舉行3場《The Prime Classics HINS LIVE 演唱會》，令軒仔成為首位及打破在RAH連開3場香港歌手紀錄。隨後軒仔將《The Prime Classics》帶到澳門，於去年12月至1月，於澳門倫敦人綜藝館舉行15場演出，是為第二章節；來到今晚（17日）演唱會第3章節的最後一場，軒仔又再刷新了單一歌手，1年內於澳門倫開騷的場次紀錄，同時亦打破了個人紀錄。
昨晚完騷後，軒仔一如以往走到場館外跟「接放學」的歌迷見面，對歌迷的訴求有求必應，而未開騷前，歌迷在網上「呼籲」軒仔唱鄧小巧的《神愛世人》，昨晚「接放學」時，軒仔終於首次唱出：「好好好，嗱，我未認真學隻歌，我第一次唱，我喺屋企冲涼房唱，我成日聽。」然後便唱出一段副歌，唱畢後笑說：「失禮晒小巧㖭，再一次多謝大家，大家玩得好開心，係玩我玩得好開心呀。」
（即時娛樂）