【側田喊得最多嘅一場】側田Justin繼8月舉行過《FWD富衛保險呈獻：側田第一秒音樂會2022》後，於11月26、27日兩晚載譽歸來，於香港會議展覽中心Hall 5BC舉行《歐洲坊呈獻側田第一秒音樂會 Part 2》。側田打頭陣以力量澎湃的《Volar》揭開序幕，一開口立即炒熱全場氣氛，全場觀眾起身歡呼投入強勁的節奏之中。《Volar》過後側田一口氣唱出《爽》、《Stuck on you》及《您好》，將現場情緒推至頂點。
澎湃過後，側田很高興再次見到大家，感性地回想2002年被傳媒批擊的事件，他爆喊說：「點解要做我呢？其實好怕『紅』呢個字，因為越紅身邊人越假。」雖然忍不住眼淚，但側田豁出去：「唔理喇！I all in , man！你哋知我咩性格啦。其實我對呢一行又愛又恨，所以2020年搬咗泰國想搵返個初心，相信music god係要我經歷呢啲嘢，今日先做到呢個show。我哋共通點係歌，用音樂去愛大家！」
然後側田一連串唱出《美麗之最》、《感動》、《愛的習慣》、《第一秒》、《三十日》，台下觀眾自發以一片手機燈海支持，令側田激動落淚。側田回想起創作《第一秒》的點滴，他說：「有一段時間我驚咗音樂，隔咗幾年後，我行埋鋼琴度寫歌，本身係因為拍拖周年紀念而寫《第一秒》，有時候我哋同人哋鬧交，會令我諗返起最初點解會同佢哋friend。我想唱最初我自己填詞嘅國語版！」更邀請到鋼琴大師Ted Lo上台一同演繹。
側田接著出《情歌》、《我有今日》，他激動說：「多謝你哋！我細細成日俾人欺凌，過去入行呢17年，由05年開始已經有haters，其實我最介意屋企人聽到啲新聞覺得係真！」他續說：「名氣呢樣嘢我覺得，以前唔識得自我接納，係靠觀眾嘅支持接納自己。呢17年我台上高調台下低調，刻意去低調，點解仲要搞我？但依家我諗通咗，唔鍾意我嘅人點都會憎我，最緊要係你哋（觀眾）仲喺度，有好多人撐我！」他亦感激曾有前輩提點，只要問心無愧得就可以，重點在於要對得住自己。然後唱出《Last Dance》、《半杯入魂》及《好人》。
側田笑言自己的作品「太chur」，所以需要講嘢位回氣，然後邀請出Eric Kwok合唱《男人老狗》。側田回想這首歌是8月開完Part 1音樂會即刻錄音，Eric Kwok在台上亦分享：「呢首歌對我嚟講好重要，係紀念一隻我好鍾意嘅狗仔，寫完先發覺隻歌好難唱，好彩有你，終於有機會唱俾NaNa聽！」
側田直落唱出律動感滿滿的《Erica》，然後邀請出好友Jerald合唱《山歌》，Jerald更笑言：「我要同你嘅fans講聲sorry，因為佢哋一聽到呢首歌以為Kary出嚟，點知喺我！」驚喜一浪接一浪，時隔8年Swing於台上重組，合唱《大大公司》又唱一段《1984》，回憶滿滿。接著側田唱出《咖啡因萬歲》及《決戰二世祖》再次炒熱氣氛。
側田在唱出《運》之前說：「我好鍾意唱呢首歌，由一出道就好鍾意，每隔幾年唱都有唔同心景。」然後唱出《KONG》及《大象席地而坐》，他直言：「今晚係史上喊得最多嘅一場！」去到演唱會尾聲，側田先唱出《我不是好人》與《Upside Down》，去到唱《命硬》的時候更邀請Bob上台開金口，現場立即變成派對一樣，台上台下都非常興奮。側田更說：「呢十幾年我想quit好多次，因為有你哋我冇quit！」他更直接encore唱出《男人KTV》及《很想很想說再見》，他柔情說：「呢個係再見係see you later , 唔係goodbye！」為音樂會劃上圓滿句號。
#側田 #側田第一秒音樂會 #Swing
#香港音樂人 #香港製造 #makeinhongkong
#香港人撐香港音樂 #撐廣東歌撐谷Live #香港音樂
----------------------------------------------
👍🏻 Facebook：https://bit.ly/2HZAgDL
♥️ IG：https://bit.ly/34PhuYx
⭕ YouTube：http://www.youtube.com/c/谷Live
🏆 谷撐音樂流行榜：https://bit.ly/3sECI7C