何佩遊泰國拍MV　小薯茄阿冰泳衣出場兼義剪

早前入圍金像獎最佳新演員提名的小薯茄阿冰(吳冰)，和獨立歌手何佩一向好姊妹，趁何佩出新歌〈大海求救SOS〉，阿冰就提議遊泰國兼拍攝MV，阿冰免費剪接，二人更穿泳衣現身，好青春。

出道剛踏入第三年的何佩表示：「原先諗住淨係出歌，MV無乜Budget 唔拍㗎啦！不過阿冰聽到即刻話要拍，仲主動申請做導演。」阿冰今次身兼導演、拍攝、剪接，就算去到澳洲工作中，都連夜剪起MV：「何佩係一個獨立歌手，所有嘢都係自資㗎啦，包括今次呢首歌既MV，然後我就覺得唔好唔拍MV啦，其實我哋可以$0拍MV啊，我哋去旅行嘅時候一齊拍一啲footage返嚟，我幫你剪接就OK，都應該好睇嘅咁樣！」
二人在中學相識，第一次真正同行出國旅遊。何佩感恩表示：「阿冰大多用行動去表達愛，很可靠，係我生命中很重要的存在。獨立音樂路上一直不孤單，因為有好多人支持自己。經歷完個Trip，睇埋MV，覺得份歌詞意義上又大咗。」