TVB變候機室 選港姐非嫁人踏腳石 拎名氣自己做豪門更實際

1.靚女以往要加入娛樂圈，除咗參加藝員訓練班，最直接嘅方法，就係選港姐 。曾幾何時，只要電視響起幾下鼓聲，大家就哼得出主題曲。港姐可以話係上一個年代每個女仔嘅夢想。

2.以往港姐三甲，除了肩負公司慈善責任，向世界宣揚 #愛與和平 之外，仲代表住可以直接得到出名機會，加入劇組做女一，主持節目等等。上一代數得出嘅李嘉欣 、朱玲玲 、袁詠儀 、郭藹明 通通都港姐冠軍出身，星途暢通無阻。

3.不過今時唔同往日，今日變咗嘅不單係TVB 江湖地位，仲有一班靚女嘅心態。與其借參選港姐加入TVB或嫁人，不如視之為踏腳石，攞左第一浸名氣後往外搵真銀！

4.宜家港姐唔少有學歷有見識。例如12年港姐季軍。朱千雪 ，參選已經勁有觀眾緣，加入TVB之後直入女一，正當以為佢疊埋心水爭視后，15年就同公司請假去讀碩士。翌年仲攻埋個法律博士，成為正式執業大律師，以民選港姐之名踩入其他界別。

5. 20年以大熱姿態拎冠軍嘅混血「最美港姐」 謝嘉怡 ，廣東話講得差，加入TVB 4年只做過幾套劇茄喱啡，慘坐冷板凳唯有靠自己，投資嘅高纖新沙律生意，索性自己做埋宣傳官估唔到已獲千萬元Pre A輪融資。謝又創業搞電子卡片生意，拋頭露面宣傳，上位比一般人易得多。

6.未離巢都唔代表甘於單線發展，當年粗口港姐 馮盈盈 已搖身一變成一級碩士生。上星期佢喺IG公佈於食品市場營銷及管理學碩士FirstHon畢業，此榮譽一界只得4個，叻女！佢都講過話與其買樓組織家庭，不如「投資自己身上最好。」啱呀，港姐等嫁入豪門，何不由自己做豪門？！

▼Follow 娛頭
Facebook: https://www.facebook.com/profile.php?id=61554772610166