【日本菜】有食唔食，罪大惡極?丨九龍站圓方吃北海道鄉土料理

如果依家有張免費機票去日本，你會唔會去嗎?

Come on，有得食就要食啦，怎會捨得唔食日本菜呢，這間位於ELEMENTS圓方商場內的「帯広はげ天Obihiro Hageten」，賣北海道鄉土料理，地點根本不是一個問題，你唔食就俾我食埋你嗰份啦。

帯広はげ天餐廳開了好幾年，我直到現在才首次光顧，其總店在北海道十勝帶廣市，是香港少有的北海道鄉土料理專門店，近期出新餐牌，都可以當新店來試。

這店的招牌菜式是天婦羅，「帯広はげ天特上七款盛合」($248)可以一次過吃七款天婦羅。

天婦羅盛合包括有超大隻的海老、松葉蟹、帆立貝、白魚，還有露筍和南瓜，粉漿偏薄身，個人覺得屬中等厚度，炸起後海老仍頗挺身，吃到爽滑的海鮮肉質。

除了七款盛合外，還有「龍蝦天婦羅」 ($188)，用原隻龍蝦斬件來處理，粉漿厚度跟其他的海鮮一樣偏薄身，炸至金黃香脆，而肉質又不失爽脆。

吃過炸物後，要吃多些蔬菜來平衡，「爐端燒野菜沙律伴北海道洋蔥柚子汁」($88)內每款蔬菜都十分清甜爽口，很有大自然的氣息。

亦吃了兩道爐端燒類食物!

「雞腿肉柚子胡椒燒」($78) 富陣陣炭燒香，雞肉肥厚而處理得剛剛好，肉質仍是很柔軟。

「五日市豚腩片芝士年糕串」($48)

用薄身的五日市豚腩片包著芝士年糕來製成串燒，芝士年糕燒成半溶的狀態，像綿花糖般軟綿綿，吃起來既有豚肉的油花又有芝士年糕的香滑和煙韌，我覺得好有趣，大力推介這串燒。

「北海道牛油清酒煮蜆」($88)

清酒煮蜆吃得多，今次加入北海道牛油，令到蜆肉的奶滑度提升，一定要飲個湯汁，非常鮮甜。

「特色脆炸虎蝦」($98/兩件)

脆炸虎蝦有點像蘿蔔絲酥餅的做法，炸成蝦卷，金黃香脆的蝦卷上再淋上三文魚籽，豐富了層次感，亦令食物變得更高貴。

「十和田燒十勝牛」($158)

用上北海道產牛肉烹煮的十和田燒十勝牛，混入特製醬汁和洋蔥同炒，端上時是熱騰騰的，是一道可以用中菜的「充滿鑊氣」來形容的小菜，其實適合配碗白飯，不過，我現時奉行少飯，決定將白飯的配額留給以下的海鮮丼了。

「嚴選海鮮丼」($268)

這碗海鮮丼有拖羅、油甘魚、白身魚、三文魚、松葉蟹絲、帆立貝等刺身，非常肥美，你真係唔食? 我就唔客氣，食埋佢啦!

「北海道芝士蛋糕二重奏」($48)

最後來甜品是兩款北海道芝士蛋糕，分別是草莓練乳及伯爵茶味，個人就較愛伯爵茶味。

這餐一次過吃到很多北海道鄉土料理，非常豐富，尤其最喜愛天婦羅和豚肉年糕串，很滿足，都係嗰句，人生苦短呀，何必成日擔心什麼污染什麼點點點呢，過去幾年教曉我的最大道理，就是今日唔知聽日事，不如唔好諗咁多，想食就食啦。

帯広はげ天Obihiro Hageten

地址：九龍柯士甸道西1號圓方2樓2103-05號舖

訂座及查詢：+852 2196 8310

營業時間：星期一至日上午11時30分至下午3時30分; 下午5時30分至晚上10時30分

請關注飛叔平台:

Facebook專頁: 飛叔生活 Kelvin Leung

Instagram: kelvinyfl

YouTube: 飛叔Kelvin Leung