鄧兆尊「阿三」婚照意外曝光　爆做華姐評判葉璇漏夜敲房門

現年56歲鄧兆尊，雖未婚，但就一直在享齊人福，擁有「正印」Carmen、「阿二」車厘子（Cherry）及「阿三」陳小姐，而三位的外貌亦不時被傳媒拍到。日前，鄧兆尊作客為YouTube頻道《田豪祖3寶》做嘉賓，爆料當年做華姐評判時，不少佳麗會漏夜入評判房，而在節目進行期間，更意外拍到他與「阿三」陳小姐的疑似婚照。

節目以爆盡娛圈八卦料為主，今集鄧兆尊便講到1999年前，擔任華姐比賽嘉賓時，身在內地出外景時，竟有多位佳麗輪流去他酒店房間敲門，當中更包括冠軍葉璇，而他亦大方讓她們內進。其餘節目主持曾志豪、王耀祖及貴花田，聽到漏夜敲門這行徑都感驚訝，更問︰「你夠膽畀佢入？唔怕有新聞咩？」鄧兆尊就開估，原來佳麗是走來吸煙，因當時大會禁止佳麗吸煙破壞形象，故會偷偷過來。

鄧兆尊︰「我當時係好蠢呀，諗住女仔唔會咁離譜，點知逐個入嚟，大約十個左右，每人一兩分鐘咁。」而其中仲有當年的冠軍葉璇。「葉璇係唯一一個唔係嚟食煙，係嚟問我覺得呢屆佢有冇機會，我話呢一屆一定係你，因為佢思想比其他佳麗成熟好多。」

而在節目期間，兆尊被主持人發現身後疑似掛上與「阿三」陳小姐的結婚相，雖然他立即說不要八卦，但都大方側頭令合照公開，隨後又愈講愈多，更暗示曾被「阿三」陳小姐逼造人，並指是幾年前的事，甚有壓力。他更以馬來作比喻：「啲馬有時都會被逼入閘！你知唔知呀？」談到有甚麼避孕方法？更爆笑指會去家計會暗地裏剪咗去。「如果佢話有咗就恭喜晒，你點會有咗？！」說到底，兆尊不在在意養多個小朋友，最在意是教育。