去深水埗除咗行下鴨廟街、買電器配件、同埋睇吓布呀配飾仲有啲咩可以做呢？近期喺深水埗大南街附近開咗好多新嘅cafe！有文青feel、復古feel、日系、素食等等！今日等小編介紹3間cafe比大家，店外店內全部都係打卡位！
The soulroom 一草一木
一見到個門口就比佢吸引到！未入去之前都已經即刻想打卡先！實木長凳加綠色植物，感覺坐喺度點樣影都好有feel ！呢度最受歡迎係一草一木手工「無常蛋糕」，$68 連埋餅底有7層，蛋糕漸變灰色超靚，係芝麻味嘅芝士蛋糕，蛋糕好軟滑，芝麻味好重！鍾意食芝麻嘅朋友仔要試吓啦！不過食之前記得要用酒精搓手液清潔對手呀！
地址: 深水埗基隆街102號地舖
ALIVE EATERY by Alive Food
呢一間相對比較歐美feel，主打賣酸種麵包！今次小編試咗呢間好出名嘅焦糖法國奶油布甸$58 果然名不虛傳，因為真係好好味！香脆嘅焦糖配上軟熟嘅麵包，再加上酸甜嘅檸檬雪葩，食落感覺好fresh！
地址: ALIVE EATERY by Alive Food (深水埗)
深水埗汝州街131號地舖
COLOUR BROWN X PHVLO HATCH
呢一間嘅裝修非常有特色，米黃色嘅趟閘配上軍綠色tone，有工業feel 嘅感覺！入邊仲有一條綠色嘅旋轉樓梯，打卡一流！
小編今次試咗 ALL DAY BREAKFAST $108
都算豐富，有煙肉、炒雜菌、早餐腸、炒滑蛋、茄汁豆、麵包、車厘茄、多士同沙律菜！個賣相一流！炒雜菌最好味，唔會太乾身又有口感，反而沙律菜dry左小小唔係好夠汁。
另外，小編叫咗個藍莓貝果 $52
呢個有啲驚喜，花生醬加奶油忌廉配上藍莓！每一啖貝果加cream正！
地址：Colour Brown x PHVLO HATCH (深水埗)
深水埗黃竹街13號地下
除咗深水埗之外，鴨脷洲都有間高質文青cafe，下次可以去試試佢！