好多人去泰國都會玩水止活動，或者大吃特吃海鮮平食！但其實難得去旅行放鬆，好多人都會想按下摩，嘆一下！嚟泰國呢個低消費地方，當然要把握機會，好好享受下泰式SPA啦！
呢間SPA喺曼谷嘅大商場入面，易搵路又有保證！
而且呢度嘅服務好全面，店員嘅服務態度又好，好值得推薦！
一入到店鋪，店員就會好親切咁帶你坐低休息！
之後再俾熱毛巾你清潔雙手，食少少茶點～
喺休息嘅同時會問埋你想要邊種服務，理想嘅按摩力度，想配合邊一種精油，同埋想重點按摩邊個位置！真係好貼心嫁～
呢度嘅SPA同按摩有好多種揀，連最普通嘅按摩都有2款！
大家可以揀有機精油或者香草包，2款都包足浴同全身按摩，足浴仲會用粗鹽幫你按摩，祛死皮～
精油有好多唔同選擇，好似抗衰老嘅玫瑰精油、清新醒神嘅西柚精油等等～
按摩嘅時候，技師會一直為精油同香草包加熱，搽上身好舒服而且吸收得更好！
呢項服務長90分鐘，2500phat（約港幣$605）~
你以為按摩完就完左？少年，你太年輕喇！
按完摩你可以選擇需唔需要沖身服務，仲可以任用呢間美容專門店自家品牌嘅護膚品添！
換完衫出大廳，店員仲會送上一人一份水果盤同熱茶，好啱按摩完慢慢嘆～
真係由踏入店一刻，就嘆到走出門口嘅一刻呀！
抵讚嘅除左呢度貼心嘅服務之外，仲有呢度嘅環境裝修～
一入門口大廳係黑色磚牆配透明DNA形水晶燈，好簡練舒適嘅感覺！
而一入去通往按摩房嘅走廊，真係會俾嘅度嘅「星空」吸引住！
地下同牆依然都係黑色磚塊，但天花板就變左塊鏡連住一片會變色嘅水晶燈，真係好夢幻！
唔止走廊，按摩房入而都一樣有一片星空，配埋柔和嘅音樂，一次過體驗視覺、聽覺、觸覺嘅享受，身心都被治癒！
係咪睇到心郁郁想試下呢？建議大家預先上網預約，想知多啲亦可以上佢地嘅官網查詢。
《Dii Wellness med spa》
地址：Central Embassy Shop L4-02, 4th floor, 1031 Ploenchit Rd.,Lumpini,Pathumwan,Bangkok, 10330
電話：+66 2 160 5850-1
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
