早前憑電視劇《逆緣》人氣急升嘅藝人陳家樂，原來早喺15年就參加英皇新秀歌唱大賽入行。日前他翻唱兼翻拍劉德華1993年嘅一首舊歌《暗裏著迷》MV，可以話係佢人生中第一個MV呀！
廣告（請繼續閱讀本文）
MV中，家樂戴上假髮，新造型真是冇得輸，驟眼睇仲有幾分似陳展鵬添。佢不停挨喺停泊喺銅鑼灣嘅小巴車身扮Chok又撥頭髮，一副黯然銷魂樣，認真電暈一班粉絲呀！
就連經理人霍汶希睇到都忍唔住轉發留言：「實在太有前途了。」不過點解後面係加個「滴汗」嘅emoji嘅！？
廣告（請繼續閱讀本文）
家樂透露翻拍呢首MV嘅原因：「之前拍過啲片，有Fans想我唱歌，所以我都想試吓。」
廣告（請繼續閱讀本文）
小心呀！
佢仲為咗呢個MV落足心機，事前準備功夫一絲不苟，除咗錄音室重新錄歌，就連試造型都試咗好多次：「MV入面其中一個亮點係撥頭髮，我會喺屋企對住塊鏡練習撥頭髮。」
至於化妝佢就因為咗更加似偶像，特意加深咗鼻骨同顴骨嘅陰影：「放飯時間，妝都冇落，就咁除咗個假髮就去食飯，食食吓，隔離枱誤認咗我係劉德華，勁開心，哈哈。」
除此之外，家樂指最難忘係拍MV尾段淋花灑嘅部分：「我哋係拍咗呢Part先，因為預咗唔會一Take過OK，所以團隊都準備咗幾套衫畀我替換，但我自己唔記得預備底褲，所以拍完淋花灑後，同事就要漏夜跑去便利店幫我買底褲，然後先可以落街拍，真係辛苦晒。」
最後畀大家一次大過睇晒兩個版本，家樂真係落足心機拍㗎！
唔知家樂下次又會有咩新搞作呢？！
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）