歡迎黃心穎返無綫　黎燕珊：好掛住佢

藝人黎燕珊與女兒劉詠詩出席美容活動，透露母女同樣貪靚，但女兒更青出於藍，認為她大有條件選美，亦曾把女兒介紹給高層樂易玲，惟對方無意入行，只醉心空姐事業。

黎燕珊指曾給女兒底線，不要食煙、紋身、揸電單車等危險事，劉詠詩聞言即表示未曾犯規：「我淨係跳過兩次降傘。」黎燕珊笑說：「佢仲要拎證書畀我睇，知佢跳嗰時畀人攬住，咁蝕底。」

對於被爆偷食人夫的黃心穎今早返港，曾與她合作無綫劇集《法證先鋒IV》的黎燕珊說：「我都好掛住佢，知佢返嚟陪屋企人，希望佢有更好發展。（聯絡佢？）有機會聚會就一齊參與，問候吓佢。（歡迎佢返無綫？）歡迎，佢係我同事同朋友。（驚唔驚佢有份拍嘅劇唔播？）有啲嘢好難估計，好似都諗唔到香港會變成咁，總之演員就要做好自己啦！」

東網網站 : https://on.cc/

東網Facebook專頁 : https://www.facebook.com/onccnews/