涉打架被捕　周永恒澄清：我唔係跪警察

涉嫌在公眾地方打架被捕的周永恒（Roy）於警署逗留約24小時後，在父親保釋下，剛剛離開尖沙咀警署，他接受東網訪問時，聲稱自己是「受害者」：「我唔係同人打交，我係畀人打，我都唔知點解成日出街都畀人打，（有冇還手自衞？）冇，佢（涉案姓李男子）話佢嘴傷咗，但佢又冇去驗傷喎，我就去咗醫院喇，因為我個頭有個瘤，個頭唔可以受撞擊，我會死㗎，好彩照完X光，醫生檢查完，個瘤冇事，之後坐白車返差館接受調查，因為我冇請律師，先至喺差館逗留咁耐啫。」

Roy又聲稱便利店的cctv可以證明自己「清白」：「係我被人打完，自己報警㗎，睇番閉路電視就知咩事。」至於為何向警察下跪？他又聲稱：「唔係呀，係我想保護自己，影返差佬問我嘢嘅過程，我喺放低個電話喺地下度，我手機影到佢哋啲腳，我都有大聲叫其他人幫我拍低當時嘅情況㗎。」問太太是否很擔心？他說太太返了廣州，但已通知太太事發經過，又說自己不是圈中人，所以不想講太多，並稱囝囝好得意，自己不會胡作非為。於凌晨時段，Roy更新社交網並晒出太太與兒子的照片，似有意報平安。

東網網站 : https://on.cc/

東網Facebook專頁 : https://www.facebook.com/onccnews/