阮兆祥離巢無綫上ViuTV：百感交集

藝人阮兆祥與余香凝為ViuTV音樂節目《Chill Club》擔任嘉賓，主持則由羅敏莊與趙學而擔任。離開無綫後現自由身的阮兆祥透露是應羅敏莊與趙學而邀請首次上ViuTV節目，他說：「佢哋兩個都係我嘅親人，同趙學而喺《皆大歡喜》已經合作，平時仲honey相稱。羅敏莊個女更加係我契女。今次第一次上ViuTV節目，又緊張又興奮，百感交集，新嘅場地，但又見到好多TVB製作舊同事熟悉嘅面孔，即陌生又親切。」

被問到ViuTV可有邀請主持節目或拍劇？阮兆祥說：「有傾過，但係仲未諗到一個啱嘅形式，所以未有合作，都期待同唔同嘅電視台合作，當然包括TVB。」

余香凝將舉行音樂會，更即席邀請阮兆祥前來棒場，他笑說：「我呢啲四線尾、五線頭好得閒，邊日先。」近日忙於宣傳新歌《無得比》的余香凝指新歌是講人與人經常會拿來比較，她說：「好似我同三個friend一齊食嘢，我食得最少但係就最肥，惟有欣賞自己高過佢哋囉。媽咪亦都成日話我肥，肥過細妹。」

東網網站 : https://on.cc/

東網Facebook專頁 : https://www.facebook.com/onccnews/