【四位一體】ERROR全體出Po撐保錡　花姐：Respect你面對錯的勇氣

捲入偷食及爆粗風波近一個月，保錡昨晚終在社交網撰長文道歉兼宣布停工，不少粉絲都擔心其所屬組合ERROR會受影響，但經理人花姐（黃慧君）表示：「期待再見到ERROR 4子嘅畫面……」向粉絲大派定心丸，而ERROR其餘3位隊友肥仔（梁業）、193（郭嘉駿）和阿Dee（何啟華）事後也在社交平台轉發保錡的道歉文，並留言力撐兄弟！隊長肥仔表示：「一世人四兄弟有你有我地（哋），實撐你！」阿Dee不忘發揮搞笑本色，押晒韻抵死留言：「保錡大個仔，愈嚟愈立體。」又Hashtag「ERROR四位一體」；而193寫道：「人誰無過，錯而能改，善莫大焉。」至於花姐亦在IG Story再次鼓勵保錡：「上了人生一課，Respect你願意面對錯的勇氣，相信不久將來會見到更好的你，期待再見到ERROR四子的畫面。」其實保錡在道歉文中也有提及3位好兄弟，他說：「作為ERROR嘅一份子，覺得自己連累咗三位兄弟，破壞咗ERROR嘅形象，好對唔住，諗返呢兩年同三位兄弟嘅經歷，同193拍ERROR遊嘅時候好冇膽，由咩都唔敢，到最後都敢試；Dee哥係ERROR嘅talk show入面捱更抵夜咁幫我哋度稿；肥仔一直都好鼓勵我做音樂，主動幫我爭取為ERROR寫歌。」他表示ERROR即將推出團歌，雖然自己因停工無法參與，但都希望大家繼續支持他們。