事隔6年，無敵破壞王續集終於上映啦！
今次故事比上集更加好笑同刺激～而且仲有好多彩蛋！
無論大人定小朋友都一樣必睇！
故事講述雲妮露嘅遊戲《甜蜜大冒險》嘅軚盤因為比玩家太大力而整爛左，為左拯救《甜蜜大冒險》，
雲妮露同破壞王決定入互聯網，去Ebay買返一個新嘅軚盤返黎。
點知雲妮露同破壞王因為誤會而令到軚盤Bid到$27001咁貴，
為左籌錢，佢地就用盡方法係互聯網賺錢。
有唔少互聯網嘅野都擬人化咗，令人睇到忍唔住大笑！
例如「搜尋」功能就係KnowsMore先生，
會喺每次角色講野嘅時候不停插嘴，就好似打字搜尋嗎，會不斷運用演算法嚟估下一個字要查咩。
值得一提係「Pop-up」廣告就係一個個人拎住個牌隊住係玩家前面，
而「Pop-up」攔截程式就係網路警察，會一拳打走「Pop-up」廣告人。
雲妮露意外進入左《撕殺賽車》呢隻遊戲，
仲愛上咗咁刺激嘅比賽，令到佢決定唔再返《甜蜜大冒險》。
亦都唔少得之前預告已經劇透曬嘅迪士尼公主，
佢地仲有好多出場位架～要密切留意！
結局位真係好感人！入場記得預備紙巾呀～
順帶一提，片尾有兩個彩蛋！
一定要坐到完場先好走呀～
其中一個彩蛋預告片都有出過，
當中嘅小朋友「小莫」就係魔海奇緣入面Moana嘅小童版～
最後一個彩蛋要出曬字幕先會睇到～
首先佢會出現寫住《冰雪奇緣2預告片》，
點知會變左破壞王係度唱《Never Gonna Give You Up》？！
其實呢個係一個好出名嘅惡作劇，
網上成日有啲同內文不乎嘅標題，入到去往往會變左做有個人係度唱緊《Never Gonna Give You Up》！
呢個惡作劇就係《Rick Roll》，
估唔到呢套野咁貼地～
（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）