《跳躍生命線》可以話係今年嘅佳作，無論係收視定口碑都非常好，網民更加力推攞「最佳劇集」添！
而琴日男主角在哥馬德鐘就自掏腰包請台前幕後一眾工作人員慶功，劇組大結局後再聚，大家都好興奮！
廣告（請繼續閱讀本文）
馬神就話成個劇組都好唔捨得《跳躍生命線》呢套劇，而且非常滿意呢個成績。
《跳躍生命線》平均收視係29.3，大結局最高收視有成33.5，馬神話：「對呢個成績係幾開心！」
廣告（請繼續閱讀本文）
而監制更表示劇集係全年收視最高：「計7日累積嚟講呢就無論係外購劇定本地劇都係最高嘅！」馬神自豪表示：「講白啲，我哋係贏咗《延禧攻略》嘅！」
除咗收視有好成績之外，劇集亦都好受觀眾喜愛，係《萬千星輝頒獎典禮》「最佳劇集」嘅大熱，馬神不忘拉票，希望觀眾download 「big big fun」投佢哋一票。
廣告（請繼續閱讀本文）
套劇集咁受歡迎，演員就最開心，希望喺嚟緊嘅頒獎禮都有好成績啦！
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）