《愛回家》吳偉豪戀情曝光被公司急照肺 守行為保前途禁女友接收工

在 《愛‧回家》 飾演朱凌凌一角彈起的22歲吳偉豪，上月因為去酒店Staycation被揭與大十年的金毛女友Charlotte發展姊弟戀，開心度完春宵麻煩事隨之而來，女友被爆膠樣真身事小，影響星途事大。

撰文、圖片：東方新地

吳偉豪守行為保前途

吳偉豪出道以來乖乖仔形象深入民心，在《愛‧回家之開心速遞》中飾演有「島大吳彥祖」之稱的朱凌凌，俊朗外形迷倒不少女觀眾，上月被踢爆有個大十年打扮好妖艷的女友Charlotte，吳偉豪低調回應，對女友身份亦避而不談。早前Charlotte為人盯人，頻頻駕車出入將軍澳電視城管接送，有傳吳偉豪被經理人召見，勒令低調戀情外，公司亦以保安為由，禁止閒人內進。上位在望的吳偉豪係醒目仔，當然唔敢逆公司意。

刻意淡化戀情禁女友接收工

22歲的吳偉豪正值事業起步之時，據知無綫本來亦準備重點力捧，知情者透露：「今次係Ricco(吳偉豪 )入行後第一次遇到大鑊嘢，本來形象健康等緊上位，喺疫情下都好受廣告客歡迎，公司亦諗住畀多啲機會，除咗《愛‧回家》之外，都想安排佢拍其他重頭劇，不過戀情曝光後高層即叫經理人傳話，叫佢低調處理，等件事沖淡啲至算。另外公司亦加強保安，講明唔係員工同正式申請嘅訪客，其他閒雜人等係禁止入內，Ricco知道事態嚴重，依家唔敢叫女友揸車入無綫接放工，要等都要遠離公司範圍，總之Ricco會更加小心，唔想戀情再成為話題。」為了前途都要聽話啦！要紅就要付出代價，表明要低調戀愛的吳偉豪，早前就在 IG留言做人要有改進的機會，從過去中學習，要向前走，正能量爆晒燈，果然識時務。