天氣開始好，涼返少少唔怕出到一身汗，緊係約埋一班好姊妹去睇日落啦，要共最美的人分享每個夜晚前的夕陽～可以靜靜地享受夕陽晚霞，心情都會舒服啲同放鬆啲！等小編分享幾個香港睇日落嘅地方俾大家啦！
烏溪沙石灘
烏溪沙石灘最有特色嘅就係心形石，雖然而家已經拆卸咗，但依然都係一個睇日落嘅好地方！仲可以喺馬鞍山海濱長廊跑步，沿住海旁跑步到烏溪沙就會見到石灘。交通十分方便，就算唔係住附近嘅朋友仔，要去都好方便。
地點：新界沙田馬鞍山烏溪沙石灘
前往方法：馬鞍山站 A1出口，經馬鞍山廣場行到去馬鞍山海濱長廊，沿着長廊步行10分鐘就會見到
廣告（請繼續閱讀本文）
啟德跑道公園
啟德跑道公園唔單止可以睇日落，仲係一個野餐好地點！平時都有好多狗狗黎玩㗎，如果有姊妹有養寵物就啱晒！
地點：九龍城啟德發展區承豐道33號
前往方法：九龍灣站 A 出口，到德福花園乘坐86號小巴
屯門龍鼓灘
由於龍鼓灘係香港靠西面嘅海岸線，所以係睇日落嘅好地點！因為龍鼓灘潮退時中間會有一條小路浮上水面，所以有時仲可以見到天空之鏡添！打卡一流！
地點：新界屯門龍鼓灘
前往方法：從屯門站 C 出口，乘坐K52巴士到龍鼓灘終點站
廣告（請繼續閱讀本文）
希望大家都陪閨蜜/情人玩得開開心心！享受時光！
Source:Instagram