193就「Cafe係呃錢」言論再向網民挑機：呃得你情我願！成本x！

男團ERROR成員193（郭嘉駿）從不怕與Haters直接對罵，有網民批評他「臭檔」，亦有網民力撐他敢言。一向不諱言要賺錢的193有不少副業，4月時他與友人斥資逾200萬元開設日式精品咖啡店於土瓜灣開業，引來許多Fans排隊支持。但開張不久即被食客批評食物質素差又貴，其中有食客投訴，指一份98元的招牌蛋治內裡只有一半餡料，與宣傳照完全不同，嚴重貨不對辦！狠批193的Cafe呃錢、搵笨，而且味道差。193當時回應指Cafe一向呃錢，言論引起網民討論。

【相關閱讀】：193 Cafe本月開張 望三個月極速回本並計劃開分店

近日193於YouTuber霍哥的網上節目再就食客批評回應，「開幕嗰陣好鬼忙，佢哋（員工）又做唔切，啲包冇切到底，又冇乜汁，啲人就投訴！擺上網鬧我哋，話我哋有半嚿都齋係包嚟，我都懶得理呢啲人，嚟呢啲地方就係屈錢！係咁㗎啦，呃得你情我願㗎嘛！」又批評給惡評的網民是「成本X」，直指他們不知價，「網上啲毒男會同你計成本，會話『哇！呢件嘢成本5蚊、10蚊，佢賣咁貴』，佢唔諗吓我呢間舖租幾多錢，仲要裝修、人工，我會叫呢啲人做『成本X』，我唔會理，因為佢哋講得出呢啲嘢，根本就唔會出街食飯，剩係喺屋企煮餸，咁佢緊係覺得所有嘢平啦！」而193亦於節目中分享已改善食物質素，又研究如何做到口感最佳。

對於193於節目中的反擊，網民有讚有彈，有部份網民認同開食店並非只計食物成本，但都有網民在意193以店員忙為理由，解釋開業初期為何食物質素較差，批評193推卸責任：「好忙所以就可以唔切到底，畀少啲料？呢啲乜歪理呀，下次會唔會又話間餐廳好忙，所以就畀屎你食算」、「食客批評就一定係惡言」、「唔係冇錢，係唔想畀你賺啫」。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ