三年沒去過台灣掛念台灣的食品和夜市的小食，遲遲未有得去寶島，慶幸本地超市久不久有台灣食品運來，以解口福之欲。今次由AEON搞的〔台灣食品節〕展銷多達二百六十多款台灣食品，只是芒果就有六種，在熟食攤檔更有不少的夜巿美食，昨天去逛了一轉，嫌搜購不夠，下轉要拎車仔去入貨。
台灣水果最吸引
一踏進水果區，整個大攤檔都是芒果，有當造的愛文芒，口感滑滑的水蜜桃芒果，甜度都達13度之多！大大個的金煌芒，清甜的夏雪芒，還有首次到港的溫湯愛文芒及榴槤芒，向進口商了解過，原來來自屏東的溫湯愛文芒，摘取後要經過浸泡攝氏57至65度溫泉的溫湯處理，果肉會比起普通的更甜，而把芒果種在榴槤樹隔鄰，會把榴槤的香氣傳播過來，有了榴槤的特質。另有汁多無渣的小玉西瓜，和重手的金鑽鳳梨。
鼎泰豐食品包羅萬有
一向款式多多的鼎泰豐，今趟首度登場，鼎泰豐急凍包裝食品好齊全，有18摺小籠包、紅燒牛肉麵、水餃，今次更運來全新的鳯梨酥，聽聞由於小籠包因儲蓄期僅30日，只有康怡、黃埔和屯門店有售，有買趁早！
感受台灣夜市美食
在熟食攤檔可以品嚐到蔥燒大餅/黑胡椒燒餅、鴛鴦地瓜球，另即場可購買芋頭酥餅、大腸包小腸、旗魚天婦羅等，滋味無窮。
台灣愛玉籽
想飲一杯凍冰冰嘅愛玉飲，青檸係最佳配搭，消暑一流！今次AEON展銷嘅愛玉籽，做法簡單，將愛玉子30公克倒入紗布袋，放入有2000cc水的盆中，用手搓洗 7-10分鐘。過程中愛玉子會滲出膠質，使水顏色變黃，有黏滑感。然後將愛玉水靜置30分鐘，直到凝固成愛玉凍。提醒：不可用逆滲透的水，手和鍋不可有油，搓洗時愛玉子是保持在水裡便可。
大頭叔叔爆米花系列
採用非基因改造玉米粒，灑上濃醇可可和濃郁焦糖兩種大人小孩都愛的風味，最啱係夜晚睇波睇戲時嘆。
手工釀製氣泡麥汁
唔係啤酒嘅麥汁擺明用啤酒樽裝，有百香果、檸檬同荔枝三種口味，好醒胃嘅飲品。
台灣調味料
出色的金蘭陳年醬油，以至最新推出的十三香滷味醬，足足十三種香料，唔係巧婦都煮得入味滷味。
AEON台灣食品節
日期：2022年6月10日至22日
網址：https://www.aeonstores.com.hk